Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech

ÓZBEKISTAN RESPUBLIKASÍNÍŃ MÁMLEKETLIK GERBI

 

 

Ózbekstan Respublikasınıń Mámleketlik gerbi 1992-jıl 2-iyuldaǵı 616-XII-sanlı «Ózbekstan Respublikası Mámleketlik gerbi tuwrısında»ǵı Nızamı menen tastıyıqlangan.

Ózbekstan Respublikası Mámleketlik gerbi tómendegi kóriniske iye: tawlar, dáryalar hám sol tárepi bıyday masaqlarınan, oń tárepi bolsa paxtanıń ǵóregleri ashılǵan ǵoza shaqlarınan ibarat gúllerge oralǵan oypatlıq boylap quyash nurların shashıp turadı Gerbtiń joqarı bóleginde Respublika biyǵárezliginiń belgisi sıpatında segiz múyeshlik súwretlengen bolıp, onıń ishinde yarım ay hám juldız súwretlengen. Gerbtiń orayında baxıt hám erkinlikti súyiwshilik belgisi — qanatların jazǵan Qumay qusı suwretlengen. Gerbtiń tómengi bóleginde Ózbekstan Respublikası Mámleketlik bayraǵın ańlatıwshı lentasında «Ózbekstan» dep jazıp qoyılǵan.

Ózbekstan Respublikası Mámleketlik gerbiniń reńli kórinisinde: Qumay qusı hám dáryalar — gúmis reńinde; quyash, masaqlar, paxta ǵóregleri hám «Ózbekstan» jazıwı — altın reńinde; ǵoza shaqaları hám japıraqları, tawlar hám oypatlıq — jasıl reńde; paxtanıń ǵóregleri — aq reńde; lenta — Ózbekstan Respublikası Mámleketlik bayraǵınıń reńlerin sáwlelendiriwshi úsh qıylı reńde; segizmúyeshlik — altın menen bezelgen halda aspan reńde; yarım ay hám juldızlar — aq reńinde súwretlengen.

Tugmani bosing Tinglash