Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech
Biz hám

Mámleketimizde 2022 jılda xalıqtı dizimge alıwdı shólkemlestiriw ilájları tuwrasında xalıqtı xabarlandırıw boyınsha Nókis qalası №27 sanlı orta bilim beriw mektepinde usı jıldıń 07 oktyabr kúni seminar-jıynalıs ótkerildi.

Seminar-jıynalıstı №27 sanlı orta bilim beriw mektep direktorı F. Biysenova alıp bardı. QR Statistika basqarması Nókis qala statistika bólimi baslıǵı A. Ibraymov mektep oqıtıwshıları hám xızmetkerlerine Ózbekstan Respublikası Prezidentiniń usı jıl 5 fevralda PF-5655 sanlı “Ózbekstan Respublikasında 2022 jılda xalıqtı dizimge alıwdı ótkeriw koncepciysın tastıyıqlaw tuwrısında”ǵı Pármanınıń mazmun mánisin túsintirdi.

Birlesken Milletler Shólkemi 2020 jılda Pútkil dunya xalıq hám turaq-jay fondı dizimge alıw programmasın qollap-quwatlawın itibarǵa alǵan halda, xalıq sanınıń anıq esaplap shıǵılıwın támiyinlewge qatań shaqırmaqta. Usı talaptı orınlaw hámde Birden-bir esapqa alıw dáwirinde xalıqtıń jınsı, jası, shańaraqqa tiyisli jaǵdayı, maǵlıwmatı, turmıs dárejesi, jasaw sháráyatı, bántligi, milleti, puqaralıǵı hámde taǵı basqa demografik, sociallıq-ekonomikalıq qásiyetleri boyınsha jalǵız tártipte esapqa alıw hám tolıq xarakteristikalaw maqsetinde Respublikamizda 2022 jılda xalıqtı dizimge alıw jumısları ámelge asırılad

Sol orında atap ótiw kerek, ǵárezsizlik jıllarında bunday process ele bolıp ótpegen edi. Bul bolsa xalıq sanına, jas-jınıs quramına keskin tásir kórsetken ózgerisler, puqaralardıń Respublika aymaǵindaǵı jaylasıwı qásiyetleri hám basqa sociallıq-demografik ayrıqshalıqlarǵa tiyisli ámeldegi maǵlıwmatlardı qóllawdıń sezilerli dárejede shekleniwine alıp kiyatırǵan edi.

Prezident Pármanına kóre, Qaraqalpaqstan Respublikası, wálayatlar hám Tashkent qala hákimlikleri janında 2022 jılda xalıqtı dizimge alıwǵa kómeklesiwshi aymaqlıq komissiyalar dúzildi. Olar dizimge alıwǵa tayarlanıw jáne onı ótkeriw menen baylanıslı ilájlardıń waqıtında hámde sapalı atqarılıwın támiyinlew, processine juwapker xızmetles shólkemler jumıs iskerligi nátiyjeliligin asırıw, dizimge ótkeriwge fizikalıq hám yuridikalıq shaxslardı, olardıń miynetine haq tólew máselelerin sheshedi.

Ilaj sońında mektep oqıtıwshıları tálim beriw processinde oqıwshılar hám ata-analardıń arasında mámleketimizde 2022 jılda xalıqtı dizimge alıwdıń ótkeriliwi haqqında túsindiriw jumısların alıp barılıwına kelisip alındı.

 

Tugmani bosing Tinglash