Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech
Biz hám

 

2019-jıldıń 5-iyul kúni Mámleketlik statistika komitetinde milliy esaplar, bahalar hám awılxojalıǵı statistikası kórsetkishlerin qáliplestiriw boyınsha juwapker qánigeler qatnasıwında seminar bolıp ótti.

Seminarda Mámleketlik statistika komiteti wákilleri A. Mamirov, M. Umarov hám Sh. Dalievlardıń ǴMDA statistika komiteti ekspertleri menen Ózbekstan Respublikasınıń Xalıqaralıq salıstırıw programmasında eksperimental qatnasıwı boyınsha ushırasıwdaǵı (2019 -jıl 1 - 2-iyul, Moskva qalası, Rossiya Federatsiyasi), sonıń menen birge, A. Azamovtıń Yevrostat tárepinen Arqa Evropa hám Oraylıq Aziya mámleketleri ushın awıl xojalıǵı statistikası boyınsha shólkemlestirilgen seminardaǵi (2019 -jıl 2 - 3 iyul, Vilnyus qalası, Litva) qatnası juwmaqları haqqında prezentaciya ótkerildi.

Seminar qatnasıwshıları Xalıqaralıq salıstırıw programmasında qatnasıwdıń ayriqsha qásiyetleri, usı maqsetler ushın zárúriy statistikalıq maǵlıwmatlardı dúziw menen baylanıslı máseleler, sonıń menen birge, awıl xojalıǵı statistikasınıń xalıqaralıq standartlarǵa muwapıq rawajlandırıwdıń tiykarǵı baǵdarları menen tanıstirildi.

Atap aytqanda, seminarda 2017-jıl ushın tutınıw tovarları hám xızmetleriniń ortasha jıllıq bahaları, sonıń menen birge, xalıqaralıq salıstırıwda zárúr bolatuǵın baslanǵısh gruppalar boyınsha dezagregatsiya etilgen jalpı ishki ónim haqqındaǵı maǵlıwmatlardı qáliplestiriw boyınsha Mámleketlik statistika komiteti tárepinen ámelge asırılǵan jumıslar nátiyjeleri tolıq talqılandı.

 

Mámleketlik statistika komiteti Informaciya xızmeti

Tugmani bosing Tinglash