Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech
Biz hám

Qırǵızstan Respublikası Osh qalasında Ózbekstan Respublikası Oliy Majlisi hám Qırǵızstan Respublikası Jogorku Keneshi arasında birge islesiw boyınsha parlamentleraralıq komissiyasınıń ekinshi májilisi bolıp ótti.

Ilajda birge islesiw boyınsha parlamentleraralıq komissiya aǵzaları, eki mámlekettiń shegaralas aymaqları – Ándijan, Ferǵana, Namangan wálayatınıń hákimleri, Osh, Jalalabad, Botken wálayatlarınıń wákillikli uyımlarınıń basshıları, tiyisli ministrlikler hám uyımlardıń wákilleri qatnastı. Onda parlamentleraralıq birge islesiwdiń búgingi jaǵdayı hám perspektivaları dodalandı.

Májiliste eki mámleket arasında sawda-ekonomikalıq, investiciyalıq hám mádeniy-gumanitarlıq baǵdarlardaǵı birge islesiwdi bekkemlew hám bunnan bılay da rawajlandırıw, onda parlamentleraralıq komissiya imkaniyatlarınan nátiyjeli paydalanıw boyınsha pikir alısıldı.

Keyingi jıllarda Ózbekstan – Qırǵızstan qatnasıqları sapa jaǵınan jańa basqıshqa kóterildi, birge islesiw kólemi barlıq baǵdarlarda keńeydi.

14.JPG

– Ózbekstan menen Qırǵızstan arasında sawda kólemi usı jıldıń ótken dáwirinde úsh esege arttı, – dedi Ózbekstan Respublikası Oliy Majlisi Senatı Baslıǵınıń birinshi orınbasarı, Parlamentleraralıq komissiyanıń járdemshi baslıǵı Sodiq Safoev. – Ásirese, turizm, mádeniyat, ilim hám basqa da bir qatar baǵdarlardaǵı birge islesiwde jańa dáwir baslandı. Bul óz gezeginde, eki xalıq arasındaǵı doslıq, jaqın qońsıshılıq qatnasıqların bekkemlewge xızmet etpekte.

Májiliste sawda-ekonomikalıq birge islesiwdi rawajlandırıw, shegara aymaqlarındaǵı qatnasıqlar, ótkeriw punktleriniń jumısına baylanıslı máseleler, sonday-aq, komissiya jumısın shólkemlestiriwdiń huqıqıy tiykarların bekkemlew, onıń nátiyjeliligin arttırıw boyınsha ámelge asırılǵan jumıslarǵa joqarı baha berildi.

– Házirgi kúnde Qırǵızstan – Ózbekstan shegara aymaqların belgilew máselesi boyınsha 85 procent kelisimge erisilgen, – dedi Qırǵızstan Respublikası Jogorku Keneshi Agrar siyasat, suw resursları, ekologiya hám aymaqlıq rawajlanıw komiteti baslıǵınıń orınbasarı Almazbek Akmatov. Bul baǵdarda tek ǵana parlamentleraralıq emes, al  húkimetleraralıq komissiya da jumıs alıp barmaqta. Jaqın waqıt ishinde anıqlıq kirgiziliwi zárúr bolǵan shegara aymaqlar boyınsha da bir sheshimge keletuǵınına isenemiz.

Ilajda Ózbekstan Respublikası Oliy Majlisi Senatı Baslıǵı N.Ywldoshevtıń Qırǵızstan Respublikasına rejelestirilip atırǵan saparına baylanıslı másele de kórip shıǵıldı.

Parlamentleraralıq komissiyanıń májilisi kún tártibinen orın alǵan barlıq máseleler dodalanıp, keleshektegi wazıypalar, birgelikte ámelge asırılatuǵın jumıslar belgilep alındı. Komissiyanıń gezektegi májilisin ótkeriw boyınsha másláhátlesiw ótkerildi.

Ilaj sońıńda Parlamentleraralıq komissiya májilisi nátiyjeli ótkeni atap ótildi. Birge islesiwdiń tiykarǵı baǵdarları boyınsha anıq joba hám ilajlar belgilep alındı.

17.JPG

20.JPG

27.JPG

Faxriddin UBAYDULLAEV,

ÓzAnıń xabarshısı

Tugmani bosing Tinglash