Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech
Biz hám

Ózbekstan Respublikası Prezidenti Shavkat Mirziyoev 7-oktyabr kúni Tájikstan Respublikası Oliy Majlisi Wákiller palatasınıń baslıg‘ı Shukurjon Zuhurovtıń basshılıg‘ındag‘ı delegatsiyanı qabıl etti.

Mámleketimiz basshısı miymanlardı qutlıqlap, óz-ara isenimge tiykarlang‘an joqarı dárejedegi turaqlı sóylesiwler eki tárepleme birge islesiwdi misli kórilmegen joqarı dárejege kóteriwge xızmet etkenin úlken qanaatlanıwshılıq penen atap ótti.

Usı múnásibet penen Tájikstan parlamenti delegatsiyasınıń Ózbekstang‘a saparı tuwısqan mámleketlerimiz arasındag‘ı doslıq, jaqsı qońsıshılıq hám strategiyalıq sheriklik qatnasıqları bekkemlenip atırg‘anınıń ayqın dáliyli bolıp esaplanadı.

Joqarı mártebeli miyman, óz gezeginde Prezidentimiz Shavkat Mirziyoevqa qızg‘ın qabıl etkeni ushın minnetdarshılıq bildirdi hám Tájikstan Respublikasınıń Prezidenti Emomali Rahmonnıń sálemi hám jaqsı tileklerin jetkerdi.

Ushırasıwda óz-ara baylanıslar barlıq dárejelerde jedelleskeni atap ótildi.

Óz-ara tovar almasıw kólemi artpaqta, sanaat, energetika, transport, awıl xojalıg‘ı hám basqa da bag‘darlarda kooperatsiya joybarları ámelge asırılmaqta.

Shegaralas aymaqlar arasında, mádeniy-gumanitarlıq tarawda almasıwlar keńeymekte.

Parlamentleraralıq baylanıslardı bekkemlewge úlken áhmiyet qaratılmaqta.

Joqarı dárejede erisilgen kelisimlerdi ámelge asırıw maqsetinde komitetler hám parlamentleraralıq toparlar dárejesinde jaqınnan birge islesiwdi jolg‘a qoyıw áhmiyetli ekenligi atap ótildi.

Ushırasıw sońında Shukurjon Zuxurov Tájikstan parlamenti tuwısqan mámleketlerimiz hám xalıqlarımızdıń mápleri jolında doslıq hám strategiyalıq sheriklikti jáne de bekkemlewge hár tárepleme járdemlesiwge tayar ekenin atap ótti.

Tájikstan Oliy Majlisi Wákiller palatasınıń baslıg‘ı usı jılı dekabr ayında mámleketimizdiń parlamentine saylawlardıń tabıslı ótiwine tilekleslik bildirdi.

ÓzA

Tugmani bosing Tinglash