Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech

Nókis qalasında bolıp ótken jıynalısta Qaraqalpaqstandı ele de rawajlandırıw boyınsha bes baslı baǵdar belgilep berildi.

Prezidenttiń ótken jıldaǵı saparı dawamında berilgen kórsetpeler tiykarında húkimettiń Moynaq rayonın kompleksli sociallıq-ekonomikalıq rawajlandırıw baǵdarlaması qabıl etildi. Onda 2019-2021-jıllarda ulıwma 1 trillion 485 milliard sumlıq qurılıs-ońlaw jumısları ámelge asırılıwı belgilengen.

Moynaq rayonınıń “Úshsay” hám «Tik ózek» Awıl puqaralar jıyınlarında kishi sport maydanshaları paydalanıwǵa tapsırıldı. 

Qaraqalpaqstan Respublikası Órt qáwipsizligi basqarması xızmetkerleriniń ideyası tiykarında Moynaq rayonındaǵı 8-sanlı kásiplestirilgen órtten qutqarıw bólimi xızmetkerleriniń miyneti menen «Órt óshiriw qayıǵı» jaratıldı.

Qayıq belgilengen orınlarg‘a jetip barıwı ushın «GAZ-66» markalı tegis emes hám qolaysız sharayattag‘ı jollarda biymálel háreketlene alatug‘ın 4x4 kategoriyalı avtomobilge ornatılg‘an. Bul avtomobilde qosımsha 1700 litrlik suw sıyımlılıg‘ına iye sisterna, 1 dana motopompa hám basqa da órt óshiriwge zárúrli bolg‘an ásbaplar, atap aytqanda, 5 dana órt óshiriw xlopushkaları, órt óshiriw jeńleri hám suw etikleri menen támiyinlengen. Qaraqalpaqstan Respublikasındag‘ı qamıslıqlardıń 50 procenti Moynaq rayonındag‘ı kóllerde ósedi. Qamıslıqlarda júzege kelgen órtlerdi saplastırıwda tábiyg‘ıy sharayat órtti óz waqtında óshiriwge kesent etedi. Átirapı batpaqlıq hám kól suwları menen qorshalg‘an qamıslıqlarg‘a jetip barıwdıń imkaniyatı joq edi. Sebebi, órt óshiriwge qánigelesken avtomobillerdiń salmag‘ı 9-11 tonnanı quraydı.

Órt óshiriw qayıg‘ı bolsa 2 adamnan ibarat ekipajg‘a iye bolıp, 1 dana motopompa (sekundına 16 litr suw púrkeydi), órt óshiriw jeńleri (75 mm lik súriwshi jeń hám 51, 66 mm lik basım astında islewshi jeńler) hám 2 dana suw etikleri menen támiyinlengen. Házirgi waqıtta qayıq Moynaq rayonındag‘ı órt qáwipsizligi bólimshesiniń áskeriy esabına tapsırıldı.

 

 

Tugmani bosing Tinglash