Welcome to Qaraqalpaqstan Respublikası statistika basqarması   Click to listen highlighted text! Welcome to Qaraqalpaqstan Respublikası statistika basqarması Powered By GSpeech
Biz hám

Búgin «Ózsanaatqurılısmaterialları» asociaciyası járdeminde qamıstan DSP islep shıǵarıw joybarı boyınsha Qıtaydıń «Panjin Jijia» Co LTD kompaniyası hám «Toshkent Plast Polimer»  JShJ arasında investiciyalıq kelisimge qol qoyıldı.

Shártnamadan úlken joybardı ámelge asırıw ushın qolaylıqlar hám imkaniyatlar jaratıw, birge islesiwde jańa túrdegi qurılıs materialların islep shıǵarıw hám bir qansha shólkemlestiriw máseleleri orın alǵan.

Qamıstan DSP islep shıǵarıw joybarınıń ulıwma bahası 45 million AQSh dollar bolıp, áhmiyetli tárepi tikkeley sırt el investiciyası tartıladı. Shártnamaǵa muwapıq, bul joybar Qaraqalpaqstan Respublikasında ámelge asırıladı. Bunıń ushın Moynaq rayonınıń «Tikózek» aymaǵınan 50 gektar jer ajıratıw názerde tutılǵan. Jańadan qurılatuǵın zavod jılına qamıstan 200 000 metr kub ekologiyalıq taza, insan salamatlıǵına qáwipsiz, sapalı DSP islep shıǵaradı. Sonday-aq, joybarda qamıstan tayarlanǵan ónimnen zamanagóy mebellerdi islep shıǵarıw da rejelestirilgen.  Sol sebepli zavod sońǵı modeldegi texnika hám texnologiyalar menen úskenelenedi. Áhmiyetli tárepi, kárxana iske túsirilgennen soń bul jerde júzlegen jańa jumıs orınları jaratıladı.

ÓzA

Tugmani bosing Tinglash