Usı jıldıń 15-iyul kúni, Qaraqalpaqstan Respublikası statistika basqarması “Dizimge alıw jumısların shólkemlestiriw hám ótkeriw” bólimi baslıǵı I.Najimov basshılıǵında Xojeli rayonı statistika bólimi hám rayonlıq kadastr bólimi qániygelerine xalıqtı dizimge alıw ılaji boyınsha oqıw seminarı shólkemlestirildi.
Seminarda, xalıqtı dizimge alıwda sxematikalıq kartanıń áhmiyeti hám sxematikalıq kartalardı tayarlawda kórsetpeler berildi.
Sonday-aq, rayonlıq statistika bólimi qániygelerine xalıqtı dizimge alıw boyınsha shólkemlestirilgen hújjetlerdi júritiw halatı hámde úgit-násiyat jumısların kúsheytiw boyınsha tiyisli usınıslar hám kórsetpeler berildi. Bunnan tısqarı bólim qániygeleriniń xalıqtı dizimge alıw boyınsha qabıl qılınǵan normativ hújjetler, nızam hám qararlardı qansheli ózlestirgenligi boyınsha soraw juwaplar alıp barıldı.
Málimleme xızmeti