Usı jıldıń 24- iyul kúni Qaraqalpaqstan Respublikası Ámudárya rayonı “Durunki” MPJ xızmetkerleri qatnasıwinda Ózbekstan Respublikası Ministrler Kabinetiniń 2020-jıl 11-noyabrdegi «Ózbekstan Respublikasında 2023-jılda xalıqtı dizimge alıwǵa tayarlanıw hám onı ótkeriw ilájları tuwrısında»ǵı 710-sanlı Qararınıń orınlanıwı barısında úgit-násiyat jumısları alıp barıldı.

Ilájda Nókis qalası statistika bólimi xızmetkerleri tárepinen Ózbekstan Respublikası Ministrler Kabinetiniń 710-sanlı Qararınıń mazmun-mánisi tuwrısında túsinikler berip, xalıqtı dizimge alıwdıń maqseti, dizimge alıwdıń ne ushın zárúrligi hámde qararda xalıqtı dizimge alıw sorawları tastıyıqlanǵanlıǵı tuwrısında túsinikler berip ótildi.

Úy-jaylardıń nomerleniw jaǵdayları tuwrısında tiyisli túsindiriw jumısları alıp barılıp usı máhálle aymaǵındaǵı shańaraq iyelerinen shańaraq nomerlerin úydiń diywalları yamasa darwazalarına jaylastırıp qoyıwları barısında túsinik berildi.

Bul qararda «Ózbekstan Respublikasında 2023- jılda xalıqtı dizimge alıwǵa tayarlanıw jáne onı ótkeriw tártibi tuwrısında» nızam, xalıqtı sınaw tárizinde dizimge alıw processine biriktiriletuǵın shaxslar miynetine haq tólew muǵdarı, Ózbekstan Respublikasında 2023- jılda xalıqtı dizimge alıwǵa tayarlıq kóriw hám onı ótkeriw hámde nátiyjelerin járiyalaw boyınsha «Jol kartası» tastıyıqlanǵanlıǵı barısında túsinikler berildi.

Málimleme xızmeti