2021- jıldıń yanvar-iyun aylarında Qaraqalpaqstan Respublikasında jámi 2248,2 mlrd. sumlıq qurılıs jumısları ámelge asırıldı. Ósim páti όtken jıldıń sáykes dáwirine salıstırģanda 116,1 % ti quradı. Múlkshiliktiń mámleketlik mákemeleri tárepinen jámi 152,1 mlrd. sum qurılıs jumısları islendi. Olardıń respublikadaģı úlesi 6,8 % ti quradı. Múlkshiliktiń mámleketlik emes mákemeler tárepinen bolsa 2096,1 mlrd. sum qurılıs jumısları islenip, olardıń respublikadaģı úlesi 93,2 % ti quradı. Jámi qurılıs jumısları kóleminiń quramına iri qurılıs kárxanaları tárepinen islengen qurılıs jumısları 325,1 mlrd. sumdı quradı. Kishi kárxana hám mikrofirmalar tárepinen islengen qurılıs jumısları kólemi 1516,2 mlrd. sumdı quradı. Rasmiy bolmaģan sektor esabına 406.9 mlrd. sumlıq qurılıs jumısları tuwrı keldi.

Málimleme xızmeti