30 Dekabr 2021

“Xalıqtı dizimge alıw haqqında”ǵı Ózbekstan Respublikasınıń Nızamın islep shıǵıwda Birlesken Milletler Shólkemi hám Evropa statistikları konferenciyasınıń xalıqtı dizimge alıwdı ótkeriw boyınsha tiykarǵı principlerı hám usınısların tiykar retinde paydalanıldı. Sonıń menen birge, Ǵárezsiz Mámleketler Doslıq awqamı, Aziya hám Evropa mámleketleri, atap aytqanda, Rossiya Federaciyası, Belarus, Ukraina, Azerbaydjan, Qazaqstan, Tadjikistan, Kirgizstan, Qubla Koreya, Indiya, Ullı Britaniya, Franciya, Germaniya, AQSh, Kanada hám basqa mámleketlerdiń bul tarawdaǵı tájiriybeleri úyrenilinip, nızam joybarın islep shıǵıwda paydalanıldı.

 Nızam bes bap hám otız bir statyadan ibarat bolıp, onda nızamnıń maqseti, tiykarǵı túsinikler, xalıqtı dizimge alıwdıń wazıypaları hám principleri kórsetip berilgen. Tiykarǵı principlerden biri retinde udayı tákirarlanatuǵınlıq principi, yaǵnıy xalıqtı dizimge alıw on jılda keminde bir ret ótkeriliwi hám de xalıqtı dizimge alıwdı ótkeriw tuwrısındaǵı qarar Ózbekstan Respublikası Prezidenti tárepinen qabıl etiliwi belgilep qoyılǵan. Xalıqtı dizimge alıw processinde shaxsqa tiyisli maǵlıwmatlar Ministrler Kabineti tárepinen tastıyıqlanatuǵın dizimge alıw betleri tiykarında hár bir respondent ushın jeke tártipte toltırıladı. Yaǵnıy dizimge alıwshı shaxslar tárepinen úyme-úy júrip, hár bir respondent ushın bólek toldırıladı.

Málimleme  xızmeti

Click to listen highlighted text! Powered By GSpeech