10 May 2022

   Usı jıldıń 10-may kúni Qaraqalpaqstan Respublikası statistika basqarmasında Basqarma hám qala, rayon statistika bólimleriniń xizmetkerleri ushın Qaraqalpaqstan Respublikası statistika basqarması baslıǵınıń basshılıǵında Ádillik Ministrliginiń bas qánıgesi qatnasında Korrupciyasız keleshek” atamasında dóńgelek stol sáwbeti shólkemlestirildi.   

    Dóńgelek stol sáwbetinde Ózbekstan Respublikasınıń “Korrupciyaǵa qarsı gúresiw haqqında”ǵı Nızamı, Ózbekstan Respublikası Prezidentinıń “Korrupciyaǵa qarsı gúresiw isleriniń nátiyjeligin reyting bahalaw sistemasɪn eńgiziw is-ilájları haqqında”ǵı hám Ózbekstan Respublikası Prezidentinıń “Korrupciyaǵa qarsı gúresiw agentligi iskerligin shólkemlestiriw haqqında”ǵı Qararlarınıń mazmun-mánisi haqqında, korrupciyaǵa qarsı gúresiw tarawında huqıqıy sana hám huqıqıy mádeniyattı jetilistiriw, onıń aldın alıwǵa baylanıslı is-ilájlar, mápler soqlıǵısıwınıń aldın alıw, mámleketlik satıp alıwların ámelge asırıwda korrupciyanıń aldın alıw, korrupciya menen baylanıslı huqıqbuzarlıqlar ushın belgilengen juwapkershilikler boyınsha, sonıń menen birge  statistikalıq uyım buwınlarınıń xızmetkerleri arasında korrupciyalıq jaǵdaylardıń aldın alıw maqsetinde alıp barılıp atırǵan jumıslar haqqında maǵlıwmatlar berildi.

Málimleme xızmeti

Click to listen highlighted text! Powered By GSpeech