04 Avgust 2022

    Usı jıldıń 1-iyulinan baslap respublikamızdıń barlıq aymaqların(qala hám rayonlarında)da xalıqtı dizimge alıw bólimleri dúzildi. 2023-jılda mámleketimizde ótkeriletuǵın dizimge alıw processlerine tayarlanıw hám ótkeriw ushın óz aymaqları kóleminde tikkeley juwapker etip belgilengen usı bólimlerdiń basshıları hám orınbasarları ushın aymaqlıq statistika basqarmaları tárepinen dizimge alıw jumıslarına tayarlıqtı shólkemlestiriwge arnalǵan oqıw seminarları onlayn hám offlayn formatlarda ótkerilip atır.

   Atap aytqanda, aymaqlardı kartalaw, xalıq punktlerindegi úylerdiń dizimin dúziw xalıqtı dizimge alıwǵa, tayarlıqtıń eń tiykarǵı basqıshlarınan biri esaplanadı. Bul wazıypanıń tolıq hám sapalı atqarılıwı, óz gezeginde, dizimge alıw jumıslarınıń nátiyjeli bolıwına imkániyat beredi.

    Xalıqtı dizimge alıw - bul mámleket xalqınıń arnawlı bir waqıttaǵı “fotosúwreti”n alıw imkaniyatın beretuǵın ulıwma mámleketlik kólemindegi keń kólemli iláj bolıp, xalıq jaǵdayı boyınsha isenimli informaciya deregi esaplanadı.

   Atap ótiw kerek, xalıqtı dizimge alıw málim bir dáwirde Ózbekstan xalqınıń sanı, jası, jınısı, diniy hám etnikalıq quramı, shańaraqqa tiyisli jaǵdayı, maǵlıwmat dárejesi, turaq-jay menen támiyinlengenligi, ekonomikalıq aktivligi, dáramat alıw derekleri, mayıplıǵı jóninde tolıq maǵlıwmat alıwǵa járdem beredi. Sonıń menen birge, xalıq jan basına makroekonomikalıq kórsetkishlerdiń bólistiriliwin esaplawda isletiledi, migraciya jaǵdayın, miynet resursları bólistiriwin anıq kórsetip beredi.

    Eskertip ótemiz, xalıqtı dizimge alıw boyınsha tiykarǵı iláj 2023-jıl noyabr ayında ótkeriledi.

Dizimge alıw processinnen fotokórinisler:

 

Málimleme xızmeti

Click to listen highlighted text! Powered By GSpeech