18 Noyabr 2022

    Usı jıldıń 18- noyabr kúni Qaraqalpaqstan Respublikası statistika basqarmasında Ózbekstan Respublikası Mámleketlik bayraǵı qabıl etilgenine 31 jıl tolıwı múnasibeti menen  basqarmamızda arnalǵan ruwxıy-bilimlendiriw ilájı bolıp ótti.

 Ilájda Turmıs dárejesi statistikası hám úy xojalıqları gúzetiwleri bólimi baslıǵı, kásiplik awqamı komiteti baslıǵı I. Narbaev Ózbekstannıń mámleketlik nıshanları xalqımızdıń dańq hám ataǵı, tariyxıy yadı hám intiliwlerin ózinde sáwlelep, usı elde jasawshı hár bir puqaraǵa namıs hám maqtanısh baǵıshlawshı, ǵárezsizliktiń múqaddes nıshanlarınan biri - Mámleket bayraǵı hár bir jurtımız puqarası ushın áziz ekenligin aytıp ótti.

 Sonnan keyin, basqarma baslıǵınıń ruwxıy-aǵartıwshılıq jumıslar natiyjeliligin asırıw, mámleket tili haqqındaǵı nızam hújjetlerine ámel etiliwin támiyinlew máseleleri boyınsha máslahátshisi G.Nurmanova ózinde kútá úlken mánis-mazmundı jámlegen, joqarı talǵam hám uqıp menen puqta islengen, pútkil Ózbekstan xalqınıń ásirlik árman -tileklerin, kúsh hám ǵayratlılıǵın, xalqımızǵa tán miymandoslıǵı, áwladlar yadı hám de millet namısın jámlegen bayraǵımız planetamızdaǵı barlıq mámleketlerdiń mámleketlik nıshanları arasında bólek húrmet hám sıylasıqqa iye ekenligin aytıp ótti.

 Búgin milliy bayraǵımız mámleketlik shólkem hám mákemeleri, oqıw orınları, Ózbekstan aǵza bolǵan xalıqaralıq shólkemler, sırt ellerdegi elshixana hám turaqlı wákilxanalar bosaǵasında jelbirep turıptı. Túrli bayramlarda, mámleketimiz aǵzaları qatnasıp atırǵan xalıqaralıq kólemdegi siyasiy, mádeniy-aǵartıwshılıq ilájlarda, abıraylı sport jarıslarında da bayraǵımız watanımızdıń arı, xalqımızdıń namısın jaqtı sáwlelendirip atır. Ásirese, xalıqaralıq sport jarıslarında utqan sportshılarımız húrmetine jurtımız bayraǵina bálent kóterilgen waqıtta hár birimiz sheksiz tolqınlanıp, hesh kimnen kem emesligimizden maqtanamız.

Málimleme xızmeti

Click to listen highlighted text! Powered By GSpeech