Rásmiy atı:

Qaraqalpaqstan Respublikası statistika basqarması

Anglichan tilinde:

Statistical Department of the Republic of Karakalpakstan

Rus tilinde:

Управление статистики Республики Каракалпакстан

 

  

Huqıqıy tiykar

  • Ózbekstan Respublikası Prezidenti janındaǵı Statistika agentligi Ózbekstan Respublikası Prezidentiniń 2002-jıl 24-dekabrdegi “Ózbekstan Respublikası Makroekonomika hám statistika ministrligin qayta shólkemlestiriw tuwrısında” PF-3183-san Pármanı hám Ózbekstan Respublikası Ministrler Mákemesiniń 2003-jıl 8-yanvardaǵı “Ózbekstan Respublikası mámleketlik statistika komiteti iskerligin shólkemlestiriw tuwrısında”ǵı 8-san qararına muwapıq shólkemlestirilgen
  • Ózbekstan Respublikası Mámleketlik statistika komitetiniń nızamı hám shólkemlestirilgen strukturası Ózbekstan Respublikası Ministrler Mákemesiniń 2003-jıl 8-yanvardaǵı “Ózbekstan Respublikası Mámleketlik statistika komiteti iskerligin shólkemlestiriw tuwrısında”ǵı 8-san qararı menen tastıyıqlanǵan.
  • Ózbekstan Respublikası Mámleketlik statistika komitetiniń ózgertirilgen nızamı hám shólkemlestirilgen strukturası Ózbekstan Respublikası Prezidentiniń 2017-jıl 31-iyuldaǵı “Ózbekstan Respublikası Mámleketlik statistika komitetiniń iskerligin jetilistiriw ilajları tuwrısında”ǵı PQ-3165-san hám Ózbekstan Respublikası Ministrler Mákemesiniń 2017-jıl 2-sentyabrdegi “Ózbekstan Respublikası Mámleketlik statistika komiteti tuwrısındaǵı nızamdı tastıyıqlaw haqqında”ǵı 690-san qararı menen tastıyıqlanǵan.
  • Ózbekstan Respublikası Prezidentiniń 2019 -jıl 9 -apreldegi “Mámleket basqarıwınıń ashıqlıǵın hám ashıqlıǵın támiyinlew hámde mámlekettiń statistika potencialın asırıw haqqında qosımsha ilajlar tuwrısında”ǵı PQ-4273-sanlı qararı
  • Ózbekstan Respublikası Prezidentiniń 2020 -jıl 3-avgustdaǵı “Ózbekstan Respublikasınıń milliy statistika sistemasın jáne de jetilistiriw hám rawajlandırıw ilajları tuwrısında”ǵı PQ-4796-sanlı qararı
Tiykarǵı minnetlemeler

Ózbekstan Respublikasınıń 2002-jıl 12-dekabrdegi “Mámleketlik statistikası tuwrısında”ǵı nızamı, Ózbekstan Respublikası Prezidentiniń 2017-jıl 31-iyuldaǵı “Ózbekstan Respublikası Mámleketlik statistika komiteti iskerligin jetilistiriw ilajları tuwrısında”ǵı PQ-3165-san qararı, Ózbekstan Respublikası Prezidentiniń 2019-jıl 9-apreldegi “Mámleket basqarıwdıń ashıqlıǵı hám ashıqlıǵın támiyinlew hámde mámlekettiń statistika potencialın asırıw haqqında qosımsha ilajlar tuwrısında”ǵı PQ-4273-sanlı qararı hám Ózbekstan Respublikası Ministrler Mekemesiniń 2017-jıl 2-sentyabrdegi “Ózbekstan Respublikası Mámleket statistika komiteti tuwrısındaǵı nızamdı tastıyıqlaw haqqında”ǵı 690-san qwararına muwapıq, Mámleketlik statistika komitetiniń tiykarǵı wazıypaları tómendegilerden ibarat :

  • Mámleketlik statistika tarawında birden-bir siyasattı islep shıǵıw hám ámelge asırıw, statistikanı shólkemlestiriwdiń nátiyjeli sistemasın támiyinlew;
  • Mámleketlik statistika tarawında muwapıqlastırıw hám funksional tártipke salıwdı ámelge asırıw ;
  • xalıq aralıq standartlarǵa sáykes birden-bir statistikalıq metodologiya hám mámleketlik statistika gúzetiwleri formaların islep shıǵıw, tastıyıqlaw hám engiziw;
  • sociallıq-ekonomikalıq hádiyseler, processler hám olardıń nátiyjeleri tuwrısındaǵı statistika informaciyaların jıynaw, qayta islew, toplaw, saqlaw, ulıwmalastırıw, analiz qılıw hám jarıyalaw ;
  • Mámleketlik shólkemler, yuridikalıq shaxslar, xalıq aralıq shólkemler hám xalıqtı statistika maǵlıwmatları menen belgilengen tártipte támiyinlew;
  • Kárxana hám shólkemlerdiń birden-bir mámleket registrini júrgiziw hám statistika jumısların shólkemlestiriw ushın zárúr ekonomikalıq-statistikalıq klassifikatsiyalar sistemasın islep shıǵıw, engiziw hám júrgiziw;
  • Mámleket statistikası sistemasınıń informacion-kommunikaciya texnologiyaların rawajlandırıw, paydalanıwshılarǵa respublikanıń rawajlanıwın tolıq xarakteristikalaytuǵın hám ekonomikanıń tarmaqları hám tarawları rawajlanıwındaǵı, sonıń menen birge xalıqtıń turmıs dárejesi ózgerislerdi ashıp beretuǵın kórsetkishlerden erkin paydalanıw imkaniyatın támiyinlew;
  • Mámleket statistika komiteti oraylıq apparatı hám onıń strukturalıq bólimleri jumısınıń forması hám usılların jáne de jetilistiriw, puqaralardıń múrátáátların óz waqtında juwap qaytarılıwın támiyinlew, xızmetkerlerdiń júkletilgen wazıypalardı óz waqtında hám sapalı orınlaw ushın juwapkerligin asırıw;
  • Mámleketlik organlar hám shólkemleriniń ashıq maǵlıwmatlar toplamları dizimin qáliplestiriw, júrgiziw hám jańalaw hámde Ózbekstan Respublikası ashıq maǵlıwmatlar portalında óz waqıtında sáwlelendiriw boyınsha iskerligin muwapıqlastırıw.
Áhmiyetli baǵdarlar

  • statistika shólkemlerin talap joqarı bolǵan, sapalı hám isenimli maǵlıwmatlardı qáliplestiriwge, statistika maǵlıwmatlarınıń ashıqlıǵı hám áshkaralıǵın asırıwǵa qaratılǵan professional ǵárezsiz xızmetke aylandırıw ;
  • statistika tarawında birden-bir siyasattı ámelge asırıwǵa qaratılǵan kepillik hám minnetlemelerdi bekkemlew arqalı Ózbekstan Respublikası Mámleketlik statistika komiteti janındaǵı Statistika keńesiniń tolıq iskerlik kórsetiwin támiyinlew;
  • aldaǵı informacion-kommunikaciya texnologiyalarınan keń paydalanǵan halda statistika informaciyaların jıynaw, qayta islew, analiz qılıw, baspa etiw hám saqlaw boyınsha pútin sistemanı shólkemlestiriw;
  • rásmiy statistikanı islep shıǵarıw, tarqatıw jáne muwapıqlastırıw maqsetinde mámlekettiń pútkil milliy statistika sisteması sheńberinde qollanılatuǵın stilistik tiykarlar hám basqarıw principlerıni jetilistiriw;
  • mekemelik maǵlıwmatlar bazaların birden-bir maǵlıwmatlardı basqarıw sistemasına integraciya qılıw arqalı gúzetiwlerdi basqıshpa-basqısh optimallastırıw hám respondentlerden esabat tapsırıw júgin kemeytiw, sonıń menen birge, dizimge alıw jumısların ótkeriw hám jalpı statistika esabatların tańlanba gúzetiwler menen almastırıw esabına statistikanı qáliplestiriw sistemasın jetilistiriw;
  • statistika maǵlıwmatlarınan paydalanıwshılar menen nátiyjeli sheriklik siyasatın jolǵa qoyıw hám ámeldegi statistika maǵlıwmatları tuwrısında jámiyetshilikti xabardar qılıw arqalı paydalanıwshılardıń statistikalıq informaciyalarǵa bolǵan isenimin asırıw ;
  • mámleketlik statistika shólkemleri iskerligin materiallıq-texnikalıq qollap-quwatlawdı jánede jaqsılaw, xızmetkerlerdiń nátiyjeli islewi ushın múnásip shárt-shárayatlardı jaratıw, sonıń menen birge, informacion-kommunikaciya texnologiyalarınıń nátiyjeli engiziliwi esabına aymaqlıq statistika shólkemleri strukturaları hám olardıń wazıypaların basqıshpa-basqısh ámelge asırıw;
  • mámleketlik statistika shólkemleri xızmetkerleriniń kásiplik dárejesin asırıw, ilimiy izertlewlerdi alıp barıw hámde keleside ámeliyatta qollaw ushın aldaǵı statistika usılları hám texnologiyaları, sonday-aq ashıq maǵlıwmatlar tarawında innovciyalıq islenbelerdi islep shıǵıw.
Wákillikler

  • Mámleketlik statistikası tarawında birden-bir siyasatti islep shıǵıw hám ámelge asırıw, statistikanı shólkemlestiriwdiń nátiyjeli sistemasın támiyinlew, mámleket statistikası tarawında muwapıqlastırıw hám funksional tártipke salıwdı ámelge asırıw;
  • xalıq-aralıq standartlarǵa uyqas birden-bir statistikalıq metodologiyanı hám mámleketlik statistika gúzetiwleri formaların islep shıǵıw, tastıyıqlaw hám engiziw;
  • social-ekonomikalıq hádiyseler, processler hám olardıń nátiyjeleri tuwrısındaǵı statistikalıq informaciyalardı jıynaw, qayta islew, toplaw, saqlaw, ulıwmalastırıw, analiz qılıw hám jarıyalaw;
  • mámleket shólkemleri, yuridikalıq shaxslar, xalıq aralıq shólkemler hám xalıqtı statistika informaciyaları menen belgilengen tártipte támiyinlew;
  • kárxana hám shólkemlerdiń birden-bir mámleketlik registri hám statistika jumısların shólkemlestiriw ushın zárúr ekonomikalıq -statistikalıq klassifikaciyalarni júrgiziw;
  • Mámleketlik statistikası sistemasınıń informacion-kommunikaciya texnologiyaların rawajlandırıw, paydalanıwshılarǵa respublikanıń rawajlanıwın tolıq xarakteristikalaytuǵın hám ekonomikanıń tarmaq hám tarawları rawajlanıwındaǵı, sonıń menen birge xalıqtıń turmıs dárejesindegi sapalı ózgerislerdi ashıp beretuǵın kórsetkishlerden erkin paydalanıw imkaniyatın támiyinlew;
  • Mámleket statistika komiteti oraylıq apparatı jáne onıń strukturalıq bólindileri jumısınıń forması hám usılların jáne de jetilistiriw, puqaralardıń múrájaatları óz waqıtında juwap qaytarılıwın támiyinlew, xızmetkerlerge júkletilgen wazıypalardı óz waqıtında hám sapalı orınlaw ushın juwapkerligin asırıw;
  • basqa rásmiy statistika óndiriwshilerdiń statistika metodologiyaların xalıq aralıq standartlarǵa muwapıqlıǵı maydanınan auditdan ótkeriw hám audit nátiyjelerine kóre, ministrlik hám keńselerge orınlanıwı májburiy bolǵan usınısnamalar kirgiziw;
  • gúzetiwlerdi ótkeriw, rásmiy statistika materialların qáliplestiriw hám analizlerdi ámelge asırıw maqsetinde ministrlik hám keńselerdiń informaciya sistemaları menen óz-ara elektron baylanıs.