Qaraqalpaqstan Respublikası Statistika basqarması baslıǵınıń funkcional wazıypaları

• Basqarma iskerligine basshılıq etedi;
• Basqarmanıń strukturalıq bólimleri tuwrısındaǵı qaǵıydalardı tastıyıqlaydı;
• Basshı orınbasarları hám funkcional bólim basshılarınıń juwapkershilik dárejesin belgileydi;
• Basqarma xızmetkerlerine salıstırǵanda qaniygelik talaplardı belgileydi hám olardıń miynetin xoshametlendiriw sistemasın qáliplestiredi, joqarı ilmiy tájriybe ushın ústemeler belgileydi;
• Basqarmanıń smeta ǵárejetlerin belgileydi hám tastıyıqlaydı;
• Basqarma xızmetkerleri ushın miynet haq tólew birden-bir tarif setkası boyınsha belgilengen lawazım okladları sxemasına muwapıq shtat kestesin tastıyıqlaydı;
• Zárúr jaǵdayda Ózbekstan Respublikası mámleketlik statistika komiteti menen kelisilgen halda basqarma strukturasına shtattaǵı xızmetkerlerdiń tastıyıqlanǵan sanı hám statistika jumısların ámelge asırıw ushın ajratılatın aqshalar dógereginde ózgertiwler kiritedi;
• Statistikalıq maǵlıwmatlardı jıynaw hám analizlew, maǵlıwmatlardıń isenimliligin ekspertizadan ótkeriw, olardı baspaǵa tayarlaw menen shuǵıllanadı;
• Statistikalıq esap-kitaptı ámelge asırıw hám alınǵan statistikalıq maǵlıwmatlar tiykarında hár qıylı analizli shıǵıslar tayarlawda qatnasadı;
• Statistikalıq gúzetiwlerdiń ayrıqsha túrleri boyınsha elektron maǵlıwmatlar bazasın saqlawdı hám ózine biriktirilgen statistikalıq kórsetkishler boyınsha dinamikalıq qatarlardı júrgiziwdi támiyinleydi;
• Óz wákilligi sheńberinde rayon hám qala statistika bólimleri tárepinen atqarılıwı májburiy bolǵan buyrıqlar shıǵaradı hám kórsetpeler beredi;
• Ózine júklengen wazıypalardıń sapalı hám waqıtında atqarılıwın támiyinlew ushın Ózbekstan Respublikasınıń ámeldegi nızam hújjetleri sheńberinde basqa barlıq zárúr sharalardı kóredi;
• Basqarma atınan hesh qanday isenim bildirgisiz iskerlik alıp baradı, ámeldegi nızam hújjetleri hám basqarma qaǵıydalarına muwapıq basqarma máplerin qorǵaydı jáne onıń mal-múlkine juwapker esaplanadı;
• Basqarmanıń Awıl xojalıǵı hám ekologiya statistikası bólimi, Arnawlı bólim, Kadrlar bólimi, Buxgalteriya esabı hám finanslıq jumıslar bólimi, Fizikalıq hám yuridikalıq adamlardıń múrájatleri menen islew hám atqarıw intizamın qadaǵalaw bólimi, Yuridikalıq xızmet, Programmalıq-texnikalıq támiynat hám maǵlıwmatlardı saqlaw orayı iskerligin qadaǵalaydı.

Qaraqalpaqstan Rеspublikası statistika basqarması baslıǵı orınbasarınıń funkcional wazıypaları 

• Basqarma, qala hám rayon statistika bólimleri tárepinen kárxana hám shólkemlerdiń lawazımlı shaxslarına qarata qollanılǵan administrativlik járiyma summaların waqıtında óndiriliwin hámde óz waqtında tólenbegen administrativlik járiymalardı májbúriy ámelge asırıw ushın belgilengen tártipte sud atqarıwshıları departamentine usınıwların hárdayım qadaǵalaydı;
• Ótkeriletin tekseriwlerdi tek qadaǵalaw shólkemleri iskerligin muwapıqlastırıwshı Respublika Keńesi tárepinen tastiyıqlanǵan joba-keste tiykarında dúziliwin qatań tárizde qadaǵalaydı, rejeden tısqarı tekseriwler ótkizbewligi hámde ótkerilgen tekseriwiler effektivligin asırıwdı hárdayım qadaǵalap baradı;
• Biriktirilgen basqarmanıń tarmaq hám qala, rayon statistika bólimleri iskerligine hárdayım qadaǵalawın júrgizedi, olardıń iskerligin muwapıqlastıradı, ámeldegi vakant lawazımlarǵa xızmetkerlerdi tayarlaw hám belgilew boyınsha basqarma baslıǵına usınıslar kiritedi;
• Biriktirilgen barlıq bólim iskerligin hámde olardaǵı statistikalıq maǵlıwmatlardıń isenimliligi, obyektivligi, tolıqlılıǵı, aktuallıǵın qadaǵalaydı hám támiyinleydi;
• Biriktirilgen tarmaq maǵlıwmatların nızamlılıǵın úyrenip, tiyisli tarawlar programmaları hám basqa maǵlıwmatlardı tayarlawda, talqılaw jıynalıslarında qatnasıp hám qol qoyıw wákilliklerinen paydalanadı hám imzálanǵan maǵlıwmatlardıń juwapkershiligin óz moynına aladı;
• Biriktirilgen qala, rayon statistika bólimleri qarjı-xojalıq iskerliklerin qadaǵalaydı hám olardıń nızamlılıǵın támiyinlew ilájların kóredi;
• Basqarmada dúzilipatırǵan konsalting shártnamaların imzálaydı hámde olardıń nızamlılıǵın hám belgilengen tártip tiykarında atqarılıwın támiyinleydi;
• Basqarma baslıǵınıń orınbasarı: Turmıs dárejesi statistikası hám úy xojalıqları gúzetiwleri bólimi, Demografiya hám miynet statistikası bólimi, Xızmetler tarawı statistikası bólimi, Social tarawdıń statistikası bólimleri iskerligin qadaǵalaydı.

Qarqalpaqstan Respublikası Statistika basqarması baslıǵı birinshi orınbasarınıń funkcional wazıypaları

• Basqarma baslıǵı joq waqtında basqarma iskerligine waqtınsha basshılıq etedi;
• Basqarmanıń barlıq tarmaqları, qala hám rayon statistika bólimleri tárepinen programmalar boyınsha atqarılatın statistika jumısları kólemlerine ámel etiwi ústinen qadaǵalaw júrgizedi;
• Qaraqalpaqstan Respublikasınıń social-ekonomikalıq rawajlandırıwdıń Mámleketlik programmalardıń atqarılıwı ústinen Mámleketlik statistika gúzetiwlerin quraydı;
• Qaraqalpaqstan Respublikasınıń social-ekonomikalıq jaǵdayı tuwrısındaǵı statistikalıq maǵlıwmatların tayarlaw, olardı baspadan shıǵarıw hám belgilengen mámleketlik shólkemlerine jiberiliwin qadaǵalaydı;
• Basqarmada shólkemlestirilge Komissiya jıyınında mámleketlik statistika jumısları programmasınıń sapalı hám waqıtında atqarılıwı, esabat kórsetkishleriniń operativligi, haqiyqiylıǵı hám obyektivligin támiyinlew máseleleri, Mámleketlik statistika shólkemleri iskerligine tiyisli basqa máselelerdi kórip shıǵıwı ushın tayarlaydı;
• Basqarmanıń barlıq tarmaq hám aymaqlıq statistika bólimleri xalıq xojalıǵıdan qosımsha aqsha tabıwın (konsalting xızmetlerin) qadaǵalaydı;
• Biriktirilgen basqarmanıń tarmaq hám qala, rayon statistika bólimleri iskerligine hárdayım qadaǵalaw júrgizedi, olardıń iskerligin muwapıqlastıradı, ámeldegi vakant lawazımlarǵa xızmetkerlerdi tayarlaw hám belgilew boyınsha basqarma baslıǵına usınıslar kiritedi;
• Biriktirilgen barlıq bólimler iskerligin hámde olardaǵı statistikalıq maǵlıwmatlardıń isenimliligin, obyektivligin, tolıqliliǵin, aktuallıǵın qadaǵalaydı hám támiyinleydi;
• Biriktirilgen tarmaq maǵlıwmatların nızamlılıǵın úyrenip, tiyisli tarawlar programmaları hám basqa maǵlıwmatlardı tayarlawda, dodalaw jıyınlarında qatnasıw hám qol qoyıw wákilliklerinen paydalanadı hám imzálanǵan maǵlıwmatlardıń juwapkershiligin óz moynına aladı;
• Biriktirilgen qala, rayon statistika bólimleri qarjı-xojalıq xızmetlerin qadaǵalaydı hám olardıń nızamlılıǵın támiyinlew ilajların kóredi;
• Basqarmada kórilip atırǵan administrativlik járiymaların imzálaydı hámde olardıń nızamlılıǵın hám belgilengen tártip tiykarında atqarılıwın támiyinleydi;
• Basqarma baslıǵınıń birinshi orınbasarı: Statistika iskerligin shólkemlestiriw hám jıyın informacion-analizli isler bólimi, Investiciya hám qurılıs statistikası bólimi, Isbilermenlik ortalıǵı kúzetiwleri, Isbilermenlikti rawajlandırıwdıń statistikası bólimi, Sırtqı ekonomikalıq iskerlik hám sawda statistikası bólimi, Baxa statistikası bólimi, Statistikalıq registrlardı júrgiziw bólimi, Sanaat statistikası bólimleri iskerligin qadaǵalaydı.