Sońǵı jańalıqlar

Ózbekstan 2022-jıldıń yanvar-avgust aylarında shet elge qunı 66,2 mln. AQSH dollarına teń bolǵan 74,3 mıń tonna shaptalı eksport qılǵan.

Usı jıldıń avgust ayında ximiyalıq tazalaw xızmetlerin respublika boyınsha ortasha 1,0 % ke qımbatladı.

Ózbekstan Respublikasında 2022- jıldıń yanvar-avgust aylarında iri sanaat kárxanaları tárepinen 768,8 mıń tonna avtomobil benzini islep shıǵarılǵan bolıp, 2021- jıldıń tiyisli dáwirine salıstırǵanda rawajlanıw páti 103,8 % ti quradı.

Usı jıldıń avgust ayında balıq hám basqa teńiz ónimleri bahaları ortasha 0,3 % ke astı.

2022- jıldıń yanvar-iyul aylarında Qaraqalpaqstan Respublikasında, jámi qurılıs jumısları kólemi quramında iri qurılıs kárxanaları tárepinen orınlanǵan qurılıs jumısları kólemi 232, 2 mlrd. sumdı quradı.

Ózbekstan 2022-jıldıń yanvar-avgust aylarında shet elge qunı 33,2 mln AQSH dollarına teń bolǵan 119,8 mıń tonna qawın hám ǵarbız eksport qılǵan.

2022- jıldıń yanvar-iyun juwmaqlarına kóre, Qaraqalpaqstan Respublikası boyınsha awıl, toǵay hám balıqshılıq xojalıǵında jaratılǵan jalpı qosılǵan qunı (JQQ) kólemi 2 137,0 mlrd. sumdı quradı hám 2021- jıldıń yanvar-iyun ayları menen salıstırıwlaganda 3,2 % ke ósti.

Ózbekstan 2022- jıldıń yanvar-avgust aylarında shet elge qunı 7,0 mln. AQSH dollarına teń bolǵan 18,1 mıń tonna alma eksport qılǵan.

Ótkerilgen gúzetiwler nátiyjelerine kóre, 2022- jıldıń avgustında bir ayda júzim (-12,6 %), almurt (-12,4 %) hám shabdal (-8,4 %) bahalarında eń joqarı tómenlew jazıp qoyıldı.

Qaraqalpaqstan Respublikasında 2022- jıl yanvar-iyun aylarında kishi isbilermenlik subektleriniń qurılıs jumısları ulıwma kólemindegi úlesi ótken tiyisli dáwirlerden joqarı bolıp 92, 1 % ini quradı.

Usı jıldıń 16-sentyabr kúni Qaraqalpaqstan Respublikası statistika basqarması baslıǵı birinshi orınbasarı S. Bekmuratov Ámudárya rayonında xızmet saparında bolıp, rayon statistika bólimi jetekshi qániygesi D. Olimov menen birgelikte «Tutınıw bahaları indeksi» gúzetiwiniń azıq-awqat emes toparı boyınsha tańlanba gúzetiwine túsken sawda obektlerine barıp bahaların úyrendi.

Usı jıldıń 14-sentyabr kúni Qaraqalpaqstan Respublikası statistika basqarması baslıǵı orınbasarı K. Omarov hám Nókis qalası statistika bólimi jetekshi qániygesi P. Omirova menen birgelikte «Tutınıw bahaları indeksi» gúzetiwiniń azıq-awqat emes toparı boyınsha tańlanba gúzetiwine túsken sawda obektlerine barıp bahaların úyrendi.

Ózbekstan Respublikasında 2022- jıldıń yanvar-iyul aylarında iri kárxanalar tárepinen jámi 10,1 mıń tonna as duzı islep shıǵarılǵan bolıp, 2021- jıldıń tiyisli dáwirine salıstırǵanda ósim páti 10,5 di quradı.

2022- jıldıń 1- yanvar jaǵdayına bola, muzeyler tárepinen 1081 kórgizbe ótkerilgen.

Usı jıldıń 13-sentyabr kúni Qaraqalpaqstan Respublikası statistika basqarması baslıǵı T. Ganiev Xójeyli rayonında xızmet saparında bolıp, rayon statistika bólimi jetekshi qániygesi A. Idrisov menen birgelikte «Tutınıw bahaları indeksi» gúzetiwiniń azıq-awqat emes toparı boyınsha tańlanba gúzetiwine túsken sawda obektlerine barıp bahaların úyrendi.

2022- jıldıń yanvar-iyun aylarında Qaraqalpaqstan Respublikasında jámi investiciyalar kóleminde, Ózbekstan Respublikası kepilligi astındaǵı shet el kreditleri esabınan ózlestirilgen tiykarǵı kapitalǵa investiciyalardıń aymaqtaǵı jámi investiciyalardaǵı úlesi 9,8 % ti, yamasa 409,5 mlrd. sumdı hám 2021-jıldıń sáykes dáwirine salıstırǵanda 149,2 % ti quradı.

Ózbekstan Respublikasında 2022-jıl yanvar-iyul aylarında jámi iri kárxanalar tárepinen 3 157,1 tonna yogurt islep shıǵarılǵan bolıp, 2021-jıldıń tiyisli dáwirine salıstırǵanda ósim páti 129,0 % ti quradı.

2022- jıldıń avgust ayında respublika boyınsha 4 123 ajırasıw dizimge alınǵan bolıp, hár mıń xalıqqa tuwrı keletuǵın nekeden ajırasıwlar sanı - 1,4 promilleni quradı.