Xalıqtı dizimge alıw belgilengen anıq waqıtta (xalıqtı dizimge alıw sánesi) ótkeriledi. Respondentlerdiń shaxsına tiyisli maǵlıwmatların jıynawda dizimge alıw sánesinen keyin júz bergen demografiyalıq jaǵdaylar esapqa alınbaydı. Máselen, xalıqtı dizimge alıw sánesi 2023-jıl 1-noyabr dep belgilengen bolsa, onda 1-noyabrden keyin tuwılǵan balalar ushın dizimge alıw formaları hám basqa da dizimge alıw hújjetleri toltırılmaydı, biraq usı sáneden keyin qaytıs bolǵan shaxslar ushın toltırıladı. Bunda qaytıs bolǵan shaxs haqqındaǵı maǵlıwmatlar onıń er jetken, qarım-qatnasqa uqıplı shańaraq aǵzaları yamasa puqaralardıń ózin-ózi basqarıw uyımlarındaǵı bar maǵlıwmatlar tiykarında toltırıladı.
Xalıqtı dizimge alıw processlerinde shaxsqa tiyisli maǵlıwmatlardı jıynaw:
kommunikaciyalıq texnologiyalarınan keńnen paydalanǵan halda (Internet jáhán tarmaǵı arqalı hám planshet qurilmaları járdeminde) hám de olardıń qáwipsizligi talapların támiyinlegen halda ámelge asırıladı:
respondentler jasaytuǵın (waqtınsha bolıp turǵan) turaq jay hám naturaq jaylarǵa, imaratlarǵa barǵan halda úyme-úy júrip soraw ótkeriw arqalı ámelge asırıladı. Dizimge alıw formaları dizimge alıwshı xızmetkerler tárepinen planshet qurilmaları járdeminde respondentlerdiń sózleri tiykarında toltırıladı;
xalıqtı dizimge alıwdı ótkeriw dáwirinde jasaw (turǵan) ornında bolmaǵan yamasa er jetpegen shaxslar (respondentler) haqqındaǵı shaxsqa tiyisli maǵlıwmatlar usı úy xojalıǵınıń erjetken aǵzaları tárepinen málim etiledi. Ózine qaraǵanda qáwenderlik yamasa qáwenderlik belgilengen shaxslar haqqındaǵı shaxsqa tiyisli maǵlıwmatlar olardıń qáwenderleri tárepinen bildiriledi;
jasaw shańaraǵında (jayında) dizimnen ótiwdi qálemegen respondentler ushın dizimge alıw formaların toltırıw rayon (qala) hákimlikleri tárepinen ajıratılǵan imarat yamasa xanalarda jaylasqan dizimge alıw uchastkalarında stacionar dizimge alıwshı tárepinen ámelge asırıladı;
respondent dizimge alıw sorawlarına juwap beriwden bas tartqan jaǵdayda, dizimge alıw qaǵazı puqaralardıń ózin-ózi basqarıw uyımlarında yamasa jergilikli mámleketlik hákimiyat uyımlarındaǵı bar maǵlıwmatlar tiykarında toltırıladı;
sóylewi hám esitiwinde kemshiligi bolǵan puqaralardıń shaxsına tiyisli bolǵan maǵlıwmatların jıynaw, sol aymaq boyınsha mayıplıq jámiyetleriniń xızmetkerleri yamasa usı shaxslar menen qatnasıw imkaniyatına iye bolǵan shaxslar járdeminde ámelge asırıladı.
Shaxsqa tiyisli maǵlıwmatlardı jıynaw dizim qaǵazı formalarınan paydalanıw arqalı da ámelge asırılıwı múmkin. Onda dizimnen ótkeriw uchastkası sheńberinde tek bir usıldan paydalanıladı, aralas usılda (planshet hám qaǵaz) dizimnen ótkeriwge jol qoyılmaydı.
