Qaraqalpaqstan Respublikası statistika basqarmasında ullı shayır, sárkarda hám mámleketlik ǵayratker Zahiriddin Muhammed Babur tuwılǵan kúniniń 543 jıllıǵı hám kórkem óner sultanı, iri mámleketlik ǵayratker Álisher Nawayınıń 585 jıllıǵı múnásibeti menen ruwxıy-aǵartıwshılıq ilajı bolıp ótti.
Bul ilajda statistika basqarması basshıları, xızmetkerler hám jaslar belsene qatnastı. Shıǵıp sóylewshiler tárepinen Baburdıń bay ádebiy miyrası, onıń dúnya civilizaciyasınıń rawajlanıwına qosqan úlesi, ásirese, "Baburnama" shıǵarmasınıń tariyxıy hám kórkemlik áhmiyeti haqqında hár tárepleme pikirler bildirildi.
Bugingi ruwxıy-aǵartıwshılıq bayram keshesi jas áwlad qálbinde ata-babalar miyrasına húrmet, watansúyiwshilik sezimlerin jáne de bekkemlewde, ullı babamızdıń bay ilimiy hám ádebiy miyrasın keńnen úgit-násiyatlaw, milliy qádiriyatlarımızdı jaslardıń sanasına sińdiriw baǵdarındaǵı jumıslardıń ámeliy kórinisi boldı.
