Aholini ro‘yxatga olish jarayoniga tayyorgarlik ko‘rish maqsadida, hududlarda statistika organlari tomonidan mahalla faollari bilan birgalikda reja-jadval asosida mahallalardagi raqamlanmagan xonadonlarga raqam o‘rnatilganligi va nom belgilari o‘rnatilmagan ko‘chalar holatini o‘rganish ishlari davom etmoqda.
Jumladan, Qoraqalpog‘iston Respublikasi statistika boshqarmasi ro‘yxatga olish jarayonlarini tashkil etish va o‘tkazish bo‘limi boshlig‘i I. Najimov va Nukus shahar statistika bo‘limi boshlig‘i A. Ibraymov bilan birgalikda Nukus shaharida joylashgan "Aydın jol" mahalla fuqarolar yig'inida xonadonlarni raqamlanishi, ko‘cha nomlari bo‘yicha o‘rganish o‘tkazildi.
Mazkur, o‘rganishlar natijasida ayrim ko'chalarda raqamlashtirish ishlari to‘liq yakuniga yetkazilmaganligi va nom belgilari o‘rnatilmagan ko‘chalarning mavjudligi holatlari aniqlanmoqda.
O‘rganish natijalari bo‘yicha hududlar kesimida tahliliy ma’lumotlar tayyorlanib, aniqlangan kamchiliklarni bartaraf etishlari uchun mahalliy hokimliklarga doimiy ravishda axborot kiritilib, kerakli chora tadbirlar ko‘rilmoqda.
