Statistika boshqarmasining dastlabki ma’lumotlariga ko‘ra, 2024/2025 o‘quv yili boshida Qoraqalpog‘iston Respublikasida faoliyat yuritayotgan oliy ta’lim tashkilotlarida 73,9 ming nafar talaba tahsil olmoqda.
Bu ko‘rsatkich 2020/2021 o‘quv yili boshiga nisbatan 38,9 ming nafarga yoki 2,1 barobarga oshgan.
Yillik kesimda talabalar sonining o‘sish dinamikasi quyidagicha:
2020/2021 o‘quv yili boshida — 35,0 ming nafar
2021/2022 o‘quv yili boshida — 47,0 ming nafar
2022/2023 o‘quv yili boshida — 58,0 ming nafar
2023/2024 o‘quv yili boshida — 64,0 ming nafar
2024/2025 o‘quv yili boshida — 73,9 ming nafar
Aholining oliy ta’limga qiziqishi faqat umumiy sonda emas, balki gender bo‘yicha ham sezilarli o‘zgarishlarni ko‘rsatmoqda:
Qiz talabalar soni so‘nggi yillarda 21,6 ming nafarga yoki 2,2 barobarga oshgan.
O‘g‘il talabalar soni esa 17,6 ming nafarga yoki 2,0 barobarga ko‘paygan.
2024/2025 o‘quv yili boshidagi umumiy talabalarning gender taqsimoti quyidagicha:
53,2 foizini — qiz talabalar
46,8 foizini — o‘g‘il talabalar tashkil etmoqda.
