Usı jıldıń 6 iyun kúni Qaraqalpaqstan Respublikası statistika basqarmasında Ózbekstan Respublikası Prezidenti janındaǵı statistika agentliginiń korrupciyaǵa qarsı ishki qadaǵalaw xızmeti bólimi baslıǵı B. Melikmurotov tárepinen seminar ótkerildi.
Ilaj dawamında korrupciyaǵa qarsı ishki qadaǵalaw xızmeti bólimi baslıǵı B. Melikmurotov sózge shıǵıp, eń dáslep Ózbekstan Respublikasınıń 2017-jıl 3-yanvardaǵı “Korrupciyaǵa qarsı gúresiw tuwrısında” O'RQ-419-san Nızamınıń mazmun-mánisin túsindirip, xızmetkerlerdiń kúnlik jumıs processinde hár qanday korrupciyalıq jaǵdaylarda óziniń munasábetin bildiriwi kerekligin, sol orında jámiyette korrupciyanıń aldın alıw maqsetinde ózine ayan bolǵan korrupciyalıq processler tuwrısında óz waqıtında statistika administraciyası atına bildiriw xatı menen xabar beriwi kerekligi túsindirip ótildi. Sonıń menen birge, xızmetkerlerdiń huqıqıy sawatlılıǵın hám mádeniyatın asırıw boyınsha turaqlı túrde korrupciyaǵa qarsı gúresiw boyınsha daǵaza qılınıp atırǵan normativlik-huqıqıy hújjetler mazmun-mánisin túsindirip barıw kerekligin aytıp ótti.
Ilaj sońında basqarma baslıǵı orınbasarı K. Omarov tárepinen korrupciyaǵa qarsı gúresiw boyınsha ámelge asırılıp atırǵan jumıslarǵa toqtalıp, sonday-aq, barlıq xızmetkerler arasında korrupciyaǵa qarsı munasábetti qáliplestiriw maqsetinde úgit-násiyatlaw jumısları alıp barılıp atırǵanlıǵı, isbilermenlik subektlarin qabıllaw ushın basqarmada kamera menen támiyinlengen bólek xananıń bar ekenligi, basqarma hám rayon-qala statistika bólimlerinde isenim nomerleri kórsetilgen bannerler menen tolıq tómiyinlengenligi hám de hár bir xızmetker óz jumısına hadal jantasıwı kerekligi aytıp ótildi.
Málimleme xızmeti