Úy xojalıqlarında tańlanba gúzetiwleri dawam etpekte Usı jıldıń 15-iyun kúni Qaraqalpaqstan Respublikası statistika basqarması baslıǵı T. Ganiev hám Turmıs dárejesi statistikası hám úy xojalıqları gúzetiwleri bólimi intervyuyeri V.Askarova menen birgelikte Nókis qalası “Nawbahar”MFYǵa barıp, házirde úy xojalıqları gúzetiwlerine túsken shańaraq iyeleri menen jaqınnan sáwbetlesti hám gúzetiwdiń maqset wazıypaları boyınsha hár tárepleme maǵlıwmat berip ótti. Maǵlıwmat ornında aytıp ótiw kerek, Úy xojalıqlarında ótkerilgen gúzetiwler nátiyjeleri tiykarında sociallıq-ekonomikalıq processlerdiń adamlardıń turmıs dárejesine tásirin úyreniw hám mámleket xalqı párawanlıǵın jáne de kóteriwge qaratılǵan qosımsha ilajlardı islep shıǵıw ushın maǵlıwmatlar qáliplestiriledi.
Málimleme xızmeti