2022- jıl 7- noyabr kúni Mámleketlik statistika komiteti “Investitsiya hám qurılıs statistikası” basqarma baslıǵı M. Jomolov bashshilıǵında, basqarma juwapker xızmetkerleri hámde aymaqlıq statistika bólim xızmetkerleri qatnasıwında 1-TJ “Paydalanıwǵa tapsırılǵan jeke tártipdegi turaq-jay tuwrısında sorawnama” ótkeriliwi boyınsha “Zoom” platforması arqalı seminar bolıp ótti.
Seminarda, Ózbekstan Respublikası Mámleketlik statistika komitetiniń 2022- jıl 30- iyun kúngi 21- sanlı qararı menen tastıyıqlanǵan “Jeke tártipdegi turaq-jay hám háwli aymaǵı xojalıq qurılıslarına xalıq ǵárejetlerin bahalaw boyınsha metodikalıq qaǵıyda”ga tiykarınan jılda birret 1-TJ sorawnama “Paydalanıwǵa tapsırılǵan jeke tártipdegi turaq-jay tuwrısında”ǵı tańlanma gúzetiwdi tuwrı shólkemlestiriw hámde maǵlıwmatlardı planshetke qáte kemshiliklersiz kiritiliwi boyınsha aytıp ótildi.
Tańlanba gúzetiwdi ótkeriwde tómendegillerge ámel qılıw shártleri:
- úy iyelerine húrmet menen xabarlasıw, olar sıpayı múnasibette bolıw hám sorawnamada qatnasıw ıqtıyariy bolıwın támiyinlew, úy iyelerinen alınǵan maǵlıwmatlardı sır saqlanıwın támiyinlew;
- úy iyelerine gúzetiwdiń maqseti hám wazıypaların anıq tusindiriw, arnawlı sorawnamaǵa tiykarınan qalıs hám biyǵarez sorawnama ótkeriw;
- sorawnama ótkerilip atırǵan shaxstıń ruxsatısız toltırılǵan sorawnamaǵa ózgeris hám qosımshalar kiritpew, sorawnamanı qálbekilestiriwge jol qoymaw;
- intervyudi juwmaqlawdan aldın, toltırılǵan sorawnamalardıń tolıqlıǵın hám sapasın tekseriw kerekligi túsintirip ótildi.
Málimleme xızmeti