Bugun, 18-dekabr kuni O‘zbekiston Respublikasi Prezidenti huzuridagi Statistika agentligida Migratsiya bo‘yicha xalqaro tashkilotning (MXT) O‘zbekistondagi missiyasi rahbari janob Endryu Grey bilan uchrashuv bo‘lib o‘tdi.
Mazkur uchrashuvda Statistika agentligi direktori o‘rinbosari Zoxidjan Ziyayev boshchiligidagi markaziy apparat boshqarma boshliqlari hamda MXT vakolatxonasi rahbari Endryu Grey hamda Migratsiya ma’lumotlari va tadqiqotlari bo‘yicha katta mutaxassis Shaxzod Nazarov ishtirok etdi.
Uchrashuvda tomonlar o‘zaro manfaatli hamkorlik masalalari, xususan, migratsiya statistikasi xalqaro standartlarga mos ravishda tashkil etilishi, texnik yordam ko‘rsatish va xalqaro ekspertlarni jalb qilish imkoniyatlarini muhokama qilishdi.
Shuningdek, tajriba almashish, mavjud migratsiya statistik ma’lumotlarini almashish va hamkorlikda ishlash borasida kelishib olindi.
