Usı jıldıń 16-yanvar kúni Qaraqalpaqstan Respublikası statistika basqarmasında “Mámleketlik til haqqında” náwbettegi huqıqıy úgit-násiyatlaw seminarı shólkemlestirildi. Ilajǵa basqarma xızmetkerleri qatnastı.
Seminarda basqarma bas yuriskonsulti A.Masheripova tárepinen Ózbekstan Respublikası Konstituciyasınıń tiyisli statyaları, Ózbekstan Respublikasınıń “Mámleket tili haqqında”ǵı 167-I-san Nızamı, Ózbekstan Respublikası “Fizikalıq hám yuridikalıq shaxslardıń múrájatları haqqında”ǵı Nızamınıń tiyisli statyaları, Qaraqalpaqstan Respublikası Konstituciyasınıń tiyisli statyaları, Qaraqalpaqstan Respublikası “Mámleket tili haqqında”ǵı Nızam hújjetleri mazmun mánisi túsindirildi.
Sonıń menen birge, basqarmanıń ruwxıy-aǵartıwshılıq hám barlıq túrdegi buyrıq, qarar hám de xatları hám basqa hújjetlerdi tayarlaw processinde mámleket tilinde is júrgiziwdi nátiyjeli shólkemlestiriw, bul máselelerdiń qadaǵalawı boyınsha basqarmadan biriktirilgen xızmetkerdiń wazıypaları bólek túsindirildi. Normativ hújjetlerdi tayarlawda zárúrli áhmiyetke iye bolǵan qollanbalardan paydalanıwǵa tiyisli kórsetpe hám usınıslar berildi.
Ámeliy áhmiyetke iye bolǵan bul ilajda mámleketlik tilinde is júritiliw qaǵıydaları boyınsha xızmetkerler tárepinen berilgen sorawlarǵa tolıq juwaplar berildi.
Málimleme xızmeti