Usı jıldıń 7-fevral kúni Qaraqalpaqstan Respublikası statistika basqarması xızmetkerleri tárepinen Shumanay rayonı statistika bólimi xızmetkerlerine seminar bolıp ótti.
Seminarda Ózbekstan Respublikası Prezidentiniń “Korrupciyaǵa qarsı gúresiw haqqında”ǵı 2017-jıl 3-yanvar kúngi OʻRQ-419-sanlı Nızamı hám de 2022-jıl 11-may kungi “Mámleket basqarıwı salasında korrupciyalıq qawip-xaterlerdi saplastırıw mexanizmlerin jetilistiriw hám bul tarawda jámiyetshilik qatnasıwın keńeytiw ilajları haqqında”ǵı PQ-240-sanlı Qarardıń mazmun-mánisi hám áhmiyeti, sonıń menen birge, jámiyette huqıqıy ań hám huqıqıy mádeniyattı asırıp barıw nızam ústinligin támiyinlewdiń eń zárúrli shártlerinen biri esaplanıwı, keyingi jıllarda mámleketimizde korruptsiyaǵa qarsı gúresiw boyınsha ámelge asırılıp atırǵan zárúrli shólkemlestirilgen-huqıqıy reformalar haqqında aytıp ótildi.
Sonıń menen birge, 1-KB (jıllıq) "Mikro firma hám kishi kárxanalar" hám de 1-FX (jıllıq) "Fermer xojalıqları" iskerligi haqqındaǵı mámleketlik statistika esabatların qabıllaw hám qayta islew processinde esabat usınıs etiwshi subyektlerdi áwere qılıw, olardı sebebsiz statistika mákemelerine shaqırıw, tólewler óndiriw, óz-ara munasábetlerde paraxorlıq hám basqa da kórinistegi korrupciya jaǵdaylarǵa jol qoyıw Ózbekstan Respublikasınıń Nızam hújjetlerinde belgilengen tártipte juwapkershilikke tartılıwına sebep bolıwı túsintirildi.
Málimleme xızmeti