Usı jıldıń 21-oktyabr kúni Qaraqalpaqstan Respublikası statistika basqarmasınıń juwapker xızmetkerleri tárepinen barlıq qala hám rayonlarda xalıq hám awıl xojalıǵın dizimge alıw ilajın ótkeriwge baǵıshlanǵan oqıw seminarınıń ámeliy processleri shólkemlestirildi.
Seminardıń tiykarǵı maqseti – 2026- jıldıń 15-yanvardan 28-fevral aralıǵında ótkeriliwi rejelestirilgen xalıq hám awıl xojalıǵın dizimge alıw processlerine puqta tayarlıq kóriw, dizimge alıwda qatnasıwshı xızmetkerlerdiń ámeliy kónlikpelerin arttırıw hám olardıń juwapkershiligin jáne de bekkemlewden ibarat boldı.
Ilaj dawamında qánigeler tárepinen dizimge alıw procesinde paydalanılatuǵın elektron planshetler járdeminde maǵlıwmatlardı jıynaw, sorawnamalardı durıs toltırıw, respondentler menen sáwbetlesiw tártibi hámde texnikalıq qurallardan nátiyjeli paydalanıw boyınsha ámeliy shınıǵıwlar ótkerildi.
Bul ámeliy shınıǵıw - dizimge alıw jumıslarınıń sapalı hám anıq ámelge asırılıwın támiyinlew, sonday-aq, statistikalıq maǵlıwmatlardıń tolıqlıǵın kepillewde ayrıqsha áhmiyetke iye.
