Usı jıldıń 26-avgust kúni Qaraqalpaqstan Respublikası Statistika basqarmasında sistema xızmetkerlerine qabıl etilip atırǵan normativlik-huqıqıy hújjetlerdiń mazmun-mánisin jetkeriw maqsetinde oqıw seminari bolıp ótti.
Onda Statistika basqarmasınıń basshılıǵı, bólim baslıqları, sonday-aq aralıqtan video baylanıs arqalı aymaqlıq statistika bólimleriniń xızmetkerleri qatnastı.
Oqıw seminarında Ózbekstan Respublikası Prezidenti Administraciyası iskerligin tártipke salıwǵa baǵdarlanǵan Ózbekstan Respublikasınıń «Ózbekstan Respublikası Prezidenti Administraciyası haqqında»ǵı 2026-jıl 14-avgusttaǵı 1166-sanlı Konstituciyalıq Nızamınıń mazmun-mánisi, maqseti hám wazıypaları haqqında túsindiriwler berildi.
Ilaj juwmaǵında qatnasıwshılar óz pikir-múlahazaların bildirdi hám kún tártibindegi tema boyınsha ózlerin qızıqtırǵan sorawlarına mamanlar tárepinen keń túrde juwaplar aldı.
