Taxtakópir rayonında biznesti dizimge alıw ilajına puqta tayarlıq kóriw hám bul processti nátiyjeli shólkemlestiriw maqsetinde hákim járdemshileri ushın oqıw-seminarı ótkerildi.
Seminar dawamında biznesti dizimge alıw ilajınıń maqset hám wazıypaları, onı ótkeriw tártibi hámde sorawnamalardı durıs toltırıw boyınsha tolıq túsinikler berildi.
Sonday-aq, dizimge alıw processinde xızmetkerlerdiń wazıypaları, isbilermenlik subyektleri menen durıs qarım-qatnas ornatıw hám bul processti belgilengen tártipte shólkemlestiriw máselelerine ayrıqsha itibar qaratıldı.
Seminar juwmaǵında qatnasıwshılarǵa biznesti dizimge alıw ilajın sapalı hám nátiyjeli shólkemlestiriw, maǵlıwmatlardı durıs qáliplestiriw hám isbilermenler menen islesiw boyınsha ámeliy usınıslar berildi.
Bul oqıw-seminarlar biznesti dizimge alıw processin sapalı shólkemlestiriw ushın zárúr bilim hám kónlikpelerdi bekkemlewge xızmet etpekte.
