Usı jıldıń 7-8-sentyabr kúnleri Taqıyatas hám Nókis rayonları statistika bólimi xızmetkerleri ushın qabıl qılınıp atırǵan normativ-huqıqıy hújjetlerdiń mazmunın-manisin jetkiziw maqsetinde oqıw seminarı bolıp ótti.
Seminarda Ózbekstan Respublikasınıń “Korrupciyaǵa qarsı gúresiw haqqında”ǵı 2017-jıl 3-yanvar kúngi 419-sanlı Nızamı, “ Mápler soqlıǵısıwı haqqında”ǵı 2024-jıl 5-iyun kúngi 931-sanlı Nızamı, “ Ózbekstan Respublikasında Korrupciyanıń aldın alıw hám oǵan qarsı gúresiw sistemasın jáne de jetilistiriw haqqında”ǵı 2025-jıl 30-dekabr kúngi 270-san Pármanı, Ózbekstan Respublikası Korrupciyaǵa qarsı gúresiw agentliginiń direktorınıń “ Korrupciyaǵa qarsı ishki qadaǵalaw bólimleri iskerligi tuwrısındaǵı úlgili rejeni tastıyıqlaw haqqında”ǵi 2026-jıl 28-mart kúngi 84-sanlı Buyrıqlarınıń mazmun-mánisi haqqında túsindirildi.
Sonıń menen birge, korrupciyanıń hár qanday kórinisine salıstırǵanda kelisimsiz múnásibetti qáliplestiriw, xızmetkerlerdiń huqıqıy mádeniyatı hám juwapkerligin asırıw, mámleket shólkemleri iskerliginde ashıqlıq hám esap beriwshilik principlerin támiyinlew búgingi kúnniń aktual wazıypalarınan biri ekenligi ayrıqsha aytıp ótildi.
Qatnasıwshılar tárepinen bildirilgen pikir hám oy-pikirler tıńlap, olardı qızıqtırǵan sorawlarǵa tolıq juwaplar berildi.
