Usı jıldıń 21-sentyabr kúni Nókis qalasında Ózbekstan Respublikası Prezidentiniń 2026-jıl 10-sentyabrdegi PP-190-sanlı Pármanında belgilengen "Biznesti dizimge alıw" ilajın nátiyjeli shólkemlestiriw hám aymaqta belgilengen wazıypalardı sapalı ámelge asırıw máselelerine baǵıshlanǵan oqıw-seminarı ótkerildi.
Seminarda Qaraqalpaqstan Respublikası statistika basqarması Xalıqtıń turmıs dárejesi sociallıq taraw statistikası bólimi bas qánigesi Z. Salieva, Isbilermenlik subyektleri gúzetiwleri bólimi bas qánigesi Sh. Kazakova, Nókis qalası statistika bólimi baslıǵı P.Boranbaev hám hákim járdemshileri qatnastı.
Ilaj dawamında "Biznesti dizimge alıwdıń maqset hám wazıypaları, onı belgilengen múddetlerde hám sapalı shólkemlestiriwdiń áhmiyetli tárepleri haqqında tolıq maǵlıwmat berildi. Atap aytqanda, aymaqtaǵı biznes menen shuǵıllanıwshı respondentlerdi anıqlaw hám tolıq qamtıp alıw, olar haqqındaǵı maǵlıwmatlardı anıq qáliplestiriw hám dizimge alıw processlerin belgilengen tártip tiykarında alıp barıw máselelerine ayrıqsha itibar qaratıldı. Sonday-aq, hákim járdemshileri sorawnamalardı toltırıw arqalı dizimge alıw procesiniń tiykarǵı basqıshların ámeliy jaqtan ózlestirdi.
Seminar dawamında qatnasıwshılardı qızıqtırǵan sorawlarǵa qánigeler tárepinen tolıq juwaplar berilip, aymaqta ilajdı shólkemlestiriwge baylanıslı áhmiyetli máseleler boyınsha pikir alısıldı.
