Qaraqalpaqstan Respublikası Moynaq rayonında biznesti dizimge alıw ilajına puqta tayarlıq kóriw hám processti nátiyjeli shólkemlestiriw maqsetinde hákim járdemshileri ushın oqıw-seminar ótkerildi.
Seminar dawamında Ózbekstan Respublikası Prezidentiniń PP-190-sanlı Pármanında belgilengen “Biznesti dizimge alıw” ilajın nátiyjeli shólkemlestiriw, onıń maqset hám wazıypaları, ótkeriw tártibi, sonday-aq, sorawnamalardı toltırıw tártibi boyınsha tolıq túsinikler berildi.
Sonday-aq, dizimge alıw procesinde xızmetkerlerdiń wazıypaları, isbilermenlik subyektleri menen durıs qarım-qatnas ornatıw, maǵlıwmatlardı belgilengen tártipte jıynaw hám processti sapalı shólkemlestiriw máselelerine ayrıqsha itibar qaratıldı.
Seminar dawamında qatnasıwshılarǵa biznesti dizimge alıw ilajın ótkeriw procesinde júzege keliwi múmkin bolǵan máseleler boyınsha ámeliy usınıslar berilip, olardıń bilim hám kónlikpeleri bekkemlendi.
