Búgin Ózbekstan Máhálleleri awqamı Qaraqalpaqstan Respublikası basqarmasınıń májilisler zalında Ózbekstan Respublikası Prezidentiniń "Xalıq hám awıl xojalıǵın dizimge alıw haqqında"ǵı PP-173-sanlı Pármanınıń orınlanıwın támiyinlew maqsetinde oqıw seminarı shólkemlestirildi.
Seminarǵa Ózbekstan máhálleleri awqamı Qaraqalpaqstan Respublikası basqarmasınıń baslıǵı Saǵındıq Turmanov, Ózbekstan Respublikası Milliy statistika komiteti Ashıq maǵlıwmatlar portalı bóliminiń bas qánigesi Babur Jalilov, Qaraqalpaqstan Respublikası statistika basqarması Dizimge alıw processlerin shólkemlestiriw hám ótkeriw bóliminiń baslıǵı Islambek Najimov, sonday-aq, Máhálle awqamınıń qalalıq hám rayonlıq bólimleriniń basshıları qatnastı.
Ilaj dawamında pármannıń orınlanıwı sheńberinde ámelge asırılıp atırǵan jumıslar, xalıqtı dizimge alıw processlerinde máhállelerdiń ornı hám bul baǵdardaǵı áhmiyetli wazıypalar dodalandı.
