Xabarıńız bar, usı jıldıń 15-yanvar sánesinen baslap mámleketimizde xalıqtı hám awıl xojalıǵın dizimge alıw ilajları rásmiy túrde baslandı. Usı process sheńberinde Milliy statistika komiteti tárepinen onlayn sorawnamanı durıs hám tolıq toltırǵan puqaralar arasında tosınnan tańlaw (random) tiykarında sıylıq tańlawı ótkerilmekte.
Tańlaw nátiyjelerine bola, Taxtakópir rayonı "A.Adilov" APJ puqarası Qıdırbaeva Jansulıw Dáwletbay qızı jeńimpaz dep tabılıp, planshet hám basqa da bahalı sawǵalar menen sıylıqlandı.
Ilajda Qaraqalpaqstan Respublikası statistika basqarması baslıǵı T.Ganiev hám rayon hákimi J.Adilov qatnasıp, Jansulıw Qıdırbaevaǵa óz minnetdarshılıqların bildirdi.
Ilaj juwmaǵında juwapker taraw wákillerine xalıq arasında dizimge alıw procesindegi belsendilikti jáne de arttırıw, maǵlıwmatlardı anıq hám juwapkershilik penen toltırıw boyınsha tiyisli tapsırmalar berildi.
