Bárshemizge málim usı jıldıń 15-yanvar sánesinen baslap elimizde xalıqtı hám awıl xojalıǵın dizimge alıw ilajlarına rásmiy túrde start berilip, Milliy statistika komiteti tárepinen bul processte belsendilik kórsetip, sorawnamanı onlayn tárizde durıs hám tolıq toltırǵan puqaralar arasında tańlaw járiyalanǵan edi. Tańlaw nátiyjesine kóre Beruniy rayonı “Tınıshlıq” APJ puqarası Aydın Ametova gezektegi jeńimpaz iyesine aylandı.
Usı jıldıń 3-fevral kúni Beruniy rayonı hákimliginde jeńimpazǵa rayon hákimi Ikram Xidirov qatnasıwında minnetdarshılıq hámde zamanagóy planshet qurılması saltanatlı túrde tapsırıldı.
