2020-jıldıń 1-iyun kúni Ózbekstan Respublikası Prezidenti Shavkat Mirziyoev basshılıǵında milliy statistika sistemasın jetilistiriw ilajları boyınsha ótkerilgen jıynalısta kadrlar máselesine ayrıqsha toqtalıp, statistika sistemasınıń barlıq qániygelerin oqıtıw hámde tájriybesin asırıw barısında tapsırmalar berilgen edi.
Berilgen tapsırmalardıń orınlanıwın támiyinlew maqsetinde usı jıldıń 16-avgust kúni Qaraqalpaqstan Respublikası statistika basqarmasında usı qarardıń mazmun-mánisi hámde investiciyalar hám qurılıs statistikası boyınsha onlayn platformada seminar bolıp ótti.
Ilajda Qaraqalpaqstan Respublikası statistika basqarmasınıń investiciyalar hám qurılıs statistikası bólimi hámde aymaqlıq statistika bólimi xızmetkerleri qatnastı. Seminar dawamında tarawǵa tiyisli soraw-juwaplar ótkerildi.
Qala hám rayonlıq statistika bólimleri xızmetkerleri sorawlarǵa juwap beriw processinde tiykarǵı ekonomikalıq iskerlik túrleri boyınsha qurılıs jumısları statistikası, qurılıs jumıslarınıń kólemi quramı, qurılıs jumısları boyınsha jumıs kórsetip atırǵan kárxana hám shólkemler sanı, tiykarǵı kapitalǵa investiciyalar, qarjılandırıw dárekleri boyınsha aymaqlar kesiminde tiykarǵı kapitalǵa investiciyalar boyınsha da bólek toqtalıp ótildi.
Ilaj sońında, tarawdaǵı utıs hám kemshilikler talıqlanıp, jumıs processindegi ónimdarlıqtı asırıw boyınsha usınıs hám kórsetpeler berildi.
Málimleme xızmeti