Usı jıldıń 17-avgust kúni Qaraqalpaqstan Respublikası statistika basqarması Dizimge alıw processlerin shólkemlestiriw hám ótkeriw bólimi tárepinen Nókis qalası «Náwbahar» MPJda Ministrler Kabinetiniń 2020-jıl 11-noyabrdegi «Ózbekstan Respublikasında 2023-jılda xalıqtı dizimge alıwǵa tayarlanıw jáne onı ótkeriw ilajları haqqında»ǵı 710-sanlı qararınıń atqarılıwı boyınsha ilaj ótkerildi.
Ilajda, Qaraqalpaqstan Respublikası statistika baskarması xızmetkerleri 2023-jılda xalıqtı dizimge alıw jumıslarına tayarlanıw, bul processte paydalanıw ushın zárúr bolatuǵın kartografiyalıq materiallardıń tayarlanıw jaǵdayın úyreniw sıyaqlı máseleler barısında pikirler bildirildi.
Jıynalıs dawamında elatlı punktlerdiń sızılma jobaların tayarlaw boyınsha ámelge asırıw kerek bolǵan jumıslar boyınsha ayrıqsha toqtalıp ótildi.
Atap aytqanda, tayarlanatuǵın kartalarda ámeldegi máhálle puqaralar jıyınları hám awıl elatlı punktleriniń shegarasın anıq kórsetiw, kóshe atamaları hámde turaq hám naturaq jaylar arnawlı belgiler menen ajıratıw, sonday-aq, sızılma jobaların qaǵaz hám elektron formada tayarlaw kerekligi aytıp ótildi.
Ilaj sońında 2023-jılda xalıqtı dizimge alıwǵa tayarlanıw hám onı ótkeriwge tiyisli kompleks is-ilajlarda belgilengen wazıypalardı waqtında hám sapalı orınlanıwı barısında juwapker xızmetkerlerge tiyisli tapsırmalar berildi.
Málimleme xızmeti