2020-jıldıń 1-iyun kúni Ózbekstan Respublikası Prezidenti Shavkat Mirziyoev basshılıǵında milliy statistika sistemasın jetilistiriw ilajları boyınsha ótkerilgen jıynalısta kadrlar máselesine ayrıqsha toqtalıp, statistika sistemasınıń barlıq qániygelerin oqıtıw hámde tájriybesin asırıw barısında tapsırmalar berilgen edi.
Berilgen tapsırmalardıń orınlanıwın támiyinlew maqsetinde usı jıldıń 18-avgust kúni Qaraqalpaqstan Respublikası statistika basqarmasında usı qarardıń mazmun-mánisi hámde Awıl xojalıǵı hám ekologiya statistikası boyınsha onlayn platformada seminar bolıp ótti.
Ilajda Qaraqalpaqstan Respublikası statistika basqarmasınıń Awıl xojalıǵı hám ekologiya statistikası bólimi hámde aymaqlıq statistika bólimi xızmetkerleri qatnastı.
Vebinarda awıl xojalıǵı hám ekologiya statistikasına tiyisli atamalar, esabatlardı qabıllaw usılları boyınsha qala hám rayon statistika bólimi xızmetkerleriniń bilim hám potencialın úyrenildi. Ilaj sońında, tarawdaǵı utıs hám kemshilikler talıqlanıp, jumıs processindegi ónimdarlıqtı asırıw boyınsha usınıs hám kórsetpeler berildi.
Málimleme xızmeti