2020-jıldıń 1-iyun kúni Ózbekstan Respublikası Prezidenti Shavkat Mirziyoev basshılıǵında milliy statistika sistemasın jetilistiriw ilajları boyınsha ótkerilgen jıynalısta kadrlar máselesine ayrıqsha toqtalıp, statistika sistemasınıń barlıq qániygelerin oqıtıw hámde tájriybesin asırıw barısında tapsırmalar berilgen edi.
Berilgen tapsırmalardıń orınlanıwın támiyinlew maqsetinde usı jıldıń 20-avgust kúni Qaraqalpaqstan Respublikası statistika basqarmasında usı qarardıń mazmun-mánisi hámde Demografiya hám miynеt statistikası boyınsha onlayn platformada seminar bolıp ótti.
Ilajda Qaraqalpaqstan Respublikası statistika baskarmasınıń Demografiya hám miynat statistikası bólimi hámde aymaqlıq statistika bólimi xızmetkerleri qatnastı. Seminar dawamında tarawǵa tiyisli soraw-juwaplar ótkerildi.
Ilajda Ózbekstan Respublikasında demografik jaǵdayı, turaqlı xalıq sanı, xalıq sanınıń aymaqlar boyınsha bólistiriliwi, aymaqlar kesiminde tuwılganlar sanı hám tuwılıw koefficienti sıyaqlı jónelislerde tolıq maǵlıwmatlar berildi.Ilaj sońında, tarawdaǵı utıs hám kemshilikler talıqlanıp, jumıs processindegi ónimdarlıqtı asırıw boyınsha usınıs hám kórsetpeler berildi.
Málimleme xızmeti