Usı jıldıń 30-sentyabr kúni Qaraqalpaqstan Respublikası statistika basqarması májilisler zalında, Mámleketlik statistika komiteti tárepinen 2022- jıl 24- yanvarda tastıyıqlanǵan Komissiya jumıs jobası hámde aymaqlıq statistika basqarmalarında kompleks hám maqsetli úyreniw joba kesteқine tiykarınan, Qaraqalpaqstan Respublikası statistika basqarması sistemasında statistika iskerligin shólkemlestiriw máselelerinde ótkerilgen kompleks úyreniw nátiyjelerin talqılaw boyınsha Komissiya jıynalısı bolıp ótti.
Jıynalısta Mámleketlik statistika komiteti xalıq turmıs dárejesi statistikası hám gúzetiwleri basqarması baslıǵı U. Madaminov, Qaraqalpaqstan Respublikası statistika basqarması, qala hám rayon statitika bólimleri sistemasında statistika iskerligin shólkemlestiriw máselelerinde ótkerilgen kompleks úyreniw nátiyjesi boyınsha erisilgen tabıslar hám anıqlanǵan kemshilikler boyınsha maǵlıwımat berip ótti.
Jıynalıs juwmaǵında anıqlanǵan qáte kemshiliklerdi keyingi orınlarda tákirarlanbawı hám aldın alıw boyınsha anıq kórsetpeler berip ótildi.
Málimleme xızmeti