2022- jıl 17- noyabr kúni Qaraqalpaqstan Respublikası statistika basqarmasında Mámleketlik statistika komiteti “Investitsiya hám qurılıs statistikası” basqarma baslıǵı M. Jomolov bashshılıǵında, basqarma juwapker xızmetkerleri hámde qala hám rayon statistika bólim xızmetkerleri qatnasıwında 1-TJ “Paydalanıwǵa tapsırılǵan jeke tártipdegi turaq-jay tuwrısında sorawnama” ótkeriliwi boyınsha “Zoom” platforması arqalı seminar bolıp ótti.
Seminarda, Ózbekstan Respublikası Mámleketlik statistika komitetiniń 2022- jıl 30- iyun kúngi 21- sanlı qararı menen tastıyıqlanǵan “Jeke tártipdegi turaq-jay hám háwli aymaǵı xojalıq qurılıslarına xalıq ǵárejetlerin bahalaw boyınsha metodikalıq qaǵıyda”ga tiykarınan jılda birret 1-TJ sorawnama “Paydalanıwǵa tapsırılǵan jeke tártipdegi turaq-jay tuwrısında”ǵı tańlanma gúzetiwdi tuwrı shólkemlestiriw hámde maǵlıwmatlardı planshetke qáte kemshiliklersiz kiritiliwi boyınsha aytıp ótildi.
Tańlanba gúzetiwden maqset, paydalanıwǵa tapsırılǵan jeke tártiptegi turaq-jaylar ulıwma qurılıs astı maydanınıń 1 kv/m qunın esaplaw ushın zárúr bolǵan materiallıq hám miynet resursları muǵdarı haqqındaǵı maǵlıwmatlardı alıwdan ibárat.
Óz gezeginde bul gúzetiw nátiyjeleri tiykarında anıq statistikalıq maǵlıwmatlar qáliplestiriledi.
Komitet juwapkerleri tárepinen aymaqlarda gúzetiwlerdi ótkeriwshi xızmetkerlerge jumıstı óz waqtında hám sapalı shólkemlestiriw boyınsha jol-joba hám usınıslar berildi.
Málimleme xızmeti