07 Dekabr 2022

    Usı jıldıń 7-dekabr kúni Qaraqalpaqstan Respublikası statistika basqarmasında, Basqarma hám qala, rayon statistika bólimleriniń xizmetkerleri ushın Qaraqalpaqstan Respublikası statistika basqarması baslıǵınıń birinshi orınbasarı, bas yuriskonsulti hám Ádillik Ministrliginiń bas qánigesi qatnasında ilaj shólkemlestirildi.

Bolıp ótken ilaj dawamında Konstituciya mámleketimizdegi joqarı yuridikalıq kúshke iye bolǵan huqıqıy hújjet bolıp esaplanatuǵınlıǵı, soniń menen birge Konstituciya tiykarında hám onıń orınlanıwın támiyinlew maqsetinde basqa nızamshılıq hújjetleri qabıl etiletuǵınlıǵı aytıp ótildi.

Sonıń menen birge,  baslı nızamımız esaplanǵan Kostituciyamızdıń qabıl etiliwi menen jámiyetlik hám mámleket qurılısınıń barlıq salalarındaǵı qatnasıqlardı, milliy nızamshılıǵımızdıń bárshe tarawların tártipke salıwshı anıq huqıqıy sistema jaratılǵanlıǵı, puqaralardıń huqıq hám erkinlikleriniń kepillikleri mámleket tárepinen kepillenligi, sonday-aq, Konstituciya menen mámleketlik hákimiyat bóliniwi tiykarında ámelge asırılıwı, pikirlerdiń kóp túrliligi hám de kóp partiyalılıqqa tiykar salınǵanlıǵı, tiykarǵısı, hár bir puqara, ol qaysı kásip iyesi yamasa kim bolıwınan qaramastan, áwele, Konstituciyanı húrmet etiwi, óz huqıqların biliwi menen birge minnetlerin de yadta saqlawı kerekligi haqqında aytıp ótildi.

Ilaj dawamında qatnasıwshılarǵa 2004-jıldan baslap 9-dekabr xalıq aralıq korrupciyaǵa qarsı gúresiw kúni etip belgilenip kiyatırǵanlıǵı haqqında hám hámmemizge belgili bolǵanınday, korrupciya - mámleket hám jámiyettiń rawajlanıwına, xalıqtıń ádillikke bolǵan isenimine zıyan keltiretuǵın qáwip bolıp tabılıwı, búgingi kúnde korrupciya qáwpiniń aldın alıw hám oǵan qarsı gúresiw boyınsha respublikamızda keńnen qamtılǵan jumıslar ámelge asırılıp atırǵanlıǵı, bunıń ayqın dálili sıpatında 2017-jıl 3-yanvar kúni qabıl etilgen Ózbekstan Respublikasınıń “Korrupciyaǵa qarsı gúresiw haqqında”ǵı Nızamınıń qabıl etiliwi hám bul nizam menen korrupciyaǵa qarsı gúresiw tarawındaǵı qatnasıqlar tártipke salınıp atırǵanlıǵı ilaj qatnasıwshılarına jetkizildi.

Málimleme xızmeti