Sáne múnásibeti menen Qaraqalpaqstan Respublikası statistika basqarması baslıǵı T. Ganiev, Ózbekstan máhálleleri awqamı Qaraqalpaqstan Respublikası hám Sawda-sanaat palatası basqarmalarınıń basshı-juwapkerleri menen birgelikte Xojeli rayonındaǵı “Taskópir” hám “Jańa jap” máhállesindegi shańaraqlıq balalar úylerinen xabar aldı.
Onda xojalıq iyelerin hám tárbiyalanıwshılardı bayram menen qızǵın qutlıqlap, olar menen shın kewilden pikirlesti. Kórip gúwası bolǵanınday, hár bir úyge tárbiyalawǵa alınǵan balalar búgingi kúnde bir shańaraqtıń aǵzalarınday, tatıwlıqta jasap atır.
Miymanlar balalardıń kásip-ónerge, bilim alıw, kitap oqıwǵa bolǵan qızıǵıwshılıqları menen qızıqsınıp, olarǵa tayarlap kelgen hár qıylı bahalı sawǵalar menen ádebiy kitaplar gúldástesin sawǵa etti.
