2020-jıldıń 1-iyun kúni Ózbekstan Respublikası Prezidenti Shavkat Mirziyoev basshılıǵında milliy statistika sistemasın jetilistiriw ilajları boyınsha ótkerilgen jıynalısta kadrlar máselesine ayrıqsha toqtalıp, statistika sistemasınıń barlıq qániygelerin oqıtıw hámde tájriybesin asırıw barısında tapsırmalar berilgen edi.
Berilgen tapsırmalardıń orınlanıwın támiyinlew maqsetinde usı jıldıń 17-avgust kúni Qaraqalpaqstan Respublikası statistika basqarmasında usı qarardıń mazmun-mánisi hámde Sırtqı ekonomikalıq baylanıslar hám sawda statistikası boyınsha onlayn platformada seminar bolıp ótti. Ilajda Qaraqalpaqstan Respublikası statistika baskarmasınıń Sırtqı ekonomikalıq baylanıslar hám sawda statistikası bólimi hámde aymaqlıq statistika bólimi xızmetkerleri qatnastı. Seminar dawamında tarawǵa tiyisli soraw-juwaplar ótkerildi.
Ilajda sırtqı ekonomikalıq iskerlik hám sawda statistikasına tiyisli atamalar, eksport hám import ónimlerin esapqa alıw usılları boyınsha qala hám rayon statistika bólimi xızmetkerleriniń bilim hám potencialı úyrendi. Ilaj sońında, tarawdaǵı utıs hám kemshilikler talıqlanıp, jumıs processindegi ónimdarlıqtı asırıw boyınsha usınıs hám kórsetpeler berildi.
Málimleme xızmeti