Usı jıldıń 11-avgust kúni Ózbekstan Respublikası Prezidenti tárepinen imzalanǵan(tastıyıqlanǵan, qol qoyılǵan) «Rasmiy statistika haqqında»ǵı rasmiy statistikalıq kórsetkishlerdi tayarlaw usılları hámde hámme ushın ashıq statistikalıq maǵlıwmatlar haqqındaǵı qaǵıydalardı belgilep beredi. Jańa nızam 7 bap hám 44 statyadan ibarat. Hújjette rasmiy statistika Ózbekstandaǵı ekonomikalıq, demografiyalıq, sociallıq, finanslıq, ekologiyalıq hádiyseler hám processlerdi hámde basqada hádiyseler hám processlerdi xarakteristikalawshı, tarqatılatuǵın statistika maǵlıwmatlarınan ibaratlıǵı anıq belgilep qoyılmaqta. Usı nızamnıń 24-statyası Dizimge alıwlar haqqında bolıp. Jáhán tájriybesinde mámleket xalqınıń anıq sanı, jası, jınısı, puqaralıǵı, milliy quramı, shańaraq jaǵdayı, kásibi, bántligi, dáramat dáregi hám basqa tarepler boyınsha tolıq maǵlıwmat toplawdıń eń nátiyjeli usılı xalıqtı dizimge alıwdı shólkemlestiriw esaplanadı. Sol sebepten, 2023-jılda mámleketimizde dáslepki ret ótkeriletuǵın xalıqtı dizimge alıw ilajlarına házirden qızǵın tayarlıq kórilmekte. Xalıqtı dizimge alıw ámeliyatı kóplegen sorawlarǵa juwap, máselelerge sheshim tabıw imkaniyatın jaratadı. Kópshilik insanlar xalıqtı dizimge alıw ámeliyatın statistikalıq maǵlıwmatlardı toplawshı ilajlardıń bir kórinisi, dep túsinedi. Biraq bul tek-ǵana statistika ushın emes, mámleket xalkınıń belgili bir waqıttaǵı fotosúwretin kóriw múmkinshiligin beretuǵın iri kólemdegi ilaj esaplanadı. Jańa nızam xalıq aralıq statistikalıq jámiyetshiligi tárepinen usınıs etilgen rasmiy statistikanıń tiykarǵı principlerine mámlekette tolıq ámel qılıw ushın kerekli hám isenimli huqıqıy tiykardı jaratıp beredi.
Málimleme xızmeti