Usı jıldıń 10 -12- oktyabr kúnleri Gruziyanıń Tbilisi qalasında Jáhán Den sawlıqtı saqlaw shólkemi tárepinen potencialdı asırıw maqsetinde “Xalıqtıń den sawlıǵın saqlawǵa ketken ǵárejetlerin esaplaw” boyınsha regionlıq seminar ótkerildi.
Seminarda Armeniya, Azerbayjan, Gruziya, Qazaqstan, Qirǵizstan, Moldova, Tájikistan, Ukraina hám Ózbekstan milliy statistika keńseleri wákilleri qatnastı.
Seminarda Ózbekstan Respublikasından Mámleketlik statistika komiteti Xalıqtın turmıs dárejesi hám gúzetiwleri statistikası basqarması baslıǵı Úmid Madaminov hám Qaraqalpaqstan Respublikası statistika basqarması Turmıs dárejesi statistikası hám úy xojalıqları gúzetiwleri bólimi bólimi baslıǵı Iskandar Narbaev qatnastı.
Usı ilajda Xalıqtıń finanslıq qorǵaw kórsetkishlerin tańlanma baqlaw ushın potencialdı asırıw, xalıqtıń jámi ǵárejetlerden den sawlıqtı saqlawǵa ketken ǵárejetlerdi esaplab shıǵıw hám analiz etiliwin muwapıqlastırıw sıyaqlı temalar úyrenildi.
Seminar juwmaǵında qatnasıwshı mámleketler ortasında statistikalıq metodologiya hám ámeliyatıń barlıq tarawlarında tájiriybe almasıldı.
Málimleme xızmeti