Usı jıldıń 12-fevral kúni Moynaq rayonı 9-sanlı qánigelestirilgen mektebinde "Ózbekstan Respublikasında xalıqtı dizimge alıwǵa tayarlıq kóriw hám onı ótkeriw boyınsha ámelge asırılıp atırǵan jumıslar haqqında"ǵı úgit-násiyat ilajı ótkerildi.
Ilajda Moynaq rayonı statistika bólimi xızmetkerleri tárepinen Xalıqtı dizimge alıwǵa tayarlıq kóriw hám onı ótkeriw ilajları, xalıqtı dizimge alıwdıń maqseti, xalıqtı dizimge alıwdıń ne ushın zárúrligi haqqında túsinikler berildi.
Sonday-aq, toplanǵan bul maǵlıwmatlar respublika hám aymaqlardı sociallıq-ekonomikalıq rawajlandırıw, jańa jumıs orınların jaratıw, hayal-qızlar hám balalardıń salamatlıǵın jaqsılaw hám shańaraqlarǵa járdem kórsetiw boyınsha baǵdarlamalardı mánzilli islep shıǵıwda áhmietli málimleme bazası bolıp xızmet etetuǵını atap ótildi.