Usı jıldıń 24-mart kúni Qaraqalpaqstan Respublikası statistika basqarması baslıǵınıń orınbasarı S.Bekmuratov hámde Dizimge alıw jumısların shólkemlestiriw hám ótkeriw bólimi baslıǵı I.Najimov qatnasıwında Berdaq atındaǵı Qaraqalpaq mámleketlik universiteti professor-oqıtıwshıları hámde fakultet studentleri ushın "Ózbekstan Respublikasında xalıqtı dizimge alıwǵa tayarlıq kóriw hám onı ótkeriw boyınsha dógerek sáwbeti" ótkerildi.
Ilajda Ózbekstan Respublikası Prezidentiniń 2025-jıl 24-fevraldaǵı "Statistika jumısların shólkemlestiriw hám júrgiziw sistemasın jańa basqıshqa alıp shıǵıw boyınsha ilajlar haqqında"ǵı PP-27-sanlı Pármanı hám Ózbekstan Respublikası Prezidentiniń 2025-jıl 24-fevraldaǵı "Ózbekstan Respublikası Milliy statistika komiteti jumısın shólkemlestiriw ilajları haqqında"ǵı PP-75-sanlı qararınıń mazmun-mánisi, maqsetleri haqqında bayanat jasadı.
Sonday-aq, dizimge alıw jumısların shólkemlestiriw hám ótkeriw bólimi baslıǵı I.Najimov xalıqtı dizimge alıwdıń mazmun-mánisi, xalıqtı dizimge alıw ilajına tayarlıq kóriw, bul baǵdarda ámelge asırılǵan hám keleshekte orınlanıwı belgilengen jumıslarǵa ayrıqsha toqtap ótildi.
Dógerek sáwbeti qızǵın pikir-talaslarǵa bay boldı. Studentlerdiń sorawlarına qánigeler tárepinen tolıq juwap berildi.
