Qaraqalpaqstan Respublikası statistika basqarmasında 1-oktyabr - muǵallimler hám ustazlar kúni múnásábeti menen tarawda kóp jıllardan berli miynet etip kiyatırǵan xızmetkerler húrmetine bayram ilajı bolıp ótti.
Ilajdı basqarma baslıǵı T. Ganiev ashıp berip, 1-oktyabr - muǵallimler hám ustazlar kúni menen elimizdegi barlıq mehriban, miynetkesh hám belsendi ustazlardı, statistika tarawında kóp jıllardan beri miynet etip jaslarǵa óz kásip sırların úyretiwde úlesin qosqan xızmetkerlerdi kásip bayramı menen shın júrekten qutlıqladı.
Usı bayram munasábeti menen Qaraqalpaqstan Respublikası statistika basqarması elimizdegi barlıq muǵallimler hám ustazlarǵa bekkem den-sawlıq, shańaraqlarıńızǵa amanlıq, xalqımız turmısı hám elimiz keleshegi menen baylanıslı barlıq iygilikli islerińizde tasqın tabıslar tileymiz.
Sonday-aq keleshegimiz bolǵan jas áwladtı tárbiyalawdaǵı iygilikli xızmetlerińizde talmas kúsh ǵayrat hámde áwmetler bolıwın tilep qalamız.
Málimleme xızmeti